2019-11-24 12:40:05, 1876 ნახვა
პოლიტიკა
18 ნოემბრის აქციის მონაწილე აცხადებს, რომ დაკავების შედეგად სახის ძვლების მოტეხილობა აქვს
18 ნოემბერს პარლამენტთან გამართული აქციის მონაწილე ამბობს, რომ დაკავების შედეგად სახის ძვლების მოტეხილობა აქვს. დაშავებული გირჩის მმართველი საბჭოს წევრი, იმედა კლდიაშვილია. კლდიაშვილი აქციის დაშლისას დააკავეს, ის სასამართლო პროცესს ელოდება.
სამედიცინო დასკვნის ასლი ზურაბ ჯაფარიძემ გაასაჯაროვა. როგორც დასკვნაში წერია, კლდიაშვილს მარჯვენა ზედა ყბის ძვლის მოტეხილობა აქვს.
ძალოვანი სტრუქტურების წარმომადგენლებმა აქციის დაშლისას 37 ადამიანი დააკავეს. მათ შორის არიან იმედა კლდიაშვილი და ზურაბ ჯაფარიძე. ისინი ახლა, სხვა ბრალდებულებთან ერთად, სასამართლო პროცესის გამართვას ელოდებიან, რომელიც გაურკვეველი ვადით გადაიდო.
ავტორი: ექსპრესნიუსი,
epn.ge (@expressnews.ge)
