2019-11-22 10:48:45, 1913 ნახვა
პოლიტიკა
დაპირისპირება ოზურგეთში - ოპოზიციას თალაკვაძის ოფისის კარზე ბოქლომის დადების საშუალება არ მისცეს
ოზურგეთში, „ევროპული საქართველოს“ წევრებს პარლამენტის თავმჯდომარის, არჩილ თალაკვაძის ოფისის კარზე ბოქლომის დადების საშუალება არ მისცეს, რასაც „ქართული ოცნების“ წარმომადგენლებთან სიტყვიერი დაპირისპირება მოჰყვა.
ადგილზე მობილიზებული იყვნენ სამართალდამცველები, რომლებმაც ოპოზიციის წარმომადგენლები შენობიდან გაიყვანეს,
ოპოზიცის თქმით, სამართალდამცველებმა მათ ბოქლომი ჩამოართვეს.
ცნობისთვის, პარტია და მათი მხარდამჭერები დღეს ბოქლომის დადებას სხვა მაჟორიტარი დეპუტატების ბიუროს ოფისებზეც გეგმავენ, მათ შორის თბილისში - მამუკა მდინარაძის, ზუგდიდში - მერაბ ქვარაიას, გორში - იოსებ მაკრახაძის, მცხეთაში - დიმიტრი ხუნდაძის, ქუთაისში - დიმიტრი მხეიძის, თბილისში - მიხეილ ყაველაშვილის ოლქის შენობის შესასვლელი დაბოქლომდება.
ავტორი: ექსპრესნიუსი,
epn.ge (@expressnews.ge)
