ხვალ, რომ საპარლამენტო არჩევნები ტარდებოდეს, “ქართული ოცნება” ხმათა 23 პროცენტს მიიღებდა, დანარჩენი ოპოზიცია ჯამურად 41%-ს. ამას მოწმობს კვლევა, რომელიც საერთაშირისო რესპუბლიკურმა ინსტიტუტმა დღეს გამოაქვეყნა 

32%-ს გადაწყვეტილი არ აქვს ვის დაუჭერს მხარს, ხოლო 4% არც ერთი პოლიტიკური სუბიექტისთვის არ აპირებს ხმის მიცემას.

რაც შეეხება ოპოზიციის ჩაშლილ მონაცემებს:

• ენმ – 15%
• ევროპული საქართველო/თავისუფალი დემოკრატები – 5%
• ლეიბორისტები – 5%
• პატრიოტთა ალიანსი – 4%
• სამოქალაქო მოძრაობა (ლიდერი ალეკო ელისაშვილი) – 3%
• ახალი საქართველოსთვის – 2%
• დემოკრატიული მოძრაობ (ლიდერი ნინო ბურჯანაძე) – 2%
• ლელო – 2%
• გირჩი – 1%
• შენების მოძრაობა – 1%
• სხვა პარტიები – 1%

წინა კვლევასთან შედარებით, რომელიც მიმდინარე წლის 20 მაისი – 11 ივნისის პერიოდში ჩატარდა, “ოცნების” რეიტინგი 3 პროცენტითაა შემცირებული, ხოლო ენმ-ის 7-ით.

წინამდებარე კვლევის საველე სამუშაოები ჩაატარა კვლევისა და მარკეტინგის ინსტიტუტმა
(IPM), 2019 წლის 11 სექტემბრიდან 14 ოქტომბრის ჩათვლით. კვლევას კოორდინაციას უწევდა
კვლევითი კომპანიის „ბალტიის კვლევები/გელაპის ორგანიზაციის“ წარმომადგენელი,
დოქტორი რასა ალისაუსკიენე, საერთაშორისო რესპუბლიკური ინსტიტუტის კვლევების
ცენტრის დაკვეთით. კვლევა განხორციელდა პირისპირ ინტერვიუს მეთოდის გამოყენებით
რესპოდენტების საცხოვრებელ სახლებში.
კვლევაში მონაწილეობა მიიღო საარჩევნო ხმის უფლების მქონე საქართველოს 1500-მა
მაცხოვრებელმა, 18 წლის ასაკიდან. შერჩევა არის წარმომადგენლობითი და ზუსტად ასახავს
საქართველოს მთლიან მოსახლეობას ასაკის, სქესის, რეგიონისა და სიდიდის
გათვალისწინებით. გამოყენებული იქნა მრავალსაფეხურიანი ალბათობის მეთოდი,
შემთხვევითი მარშრუტისა და შემდგომი დაბადებისდღის მქონე რესპოდენტის შერჩევის
კრიტერიუმით.
წინამდებარე კვლევის ჩატარება შესაძლებელი გახდა ამერიკელი ხალხის უანგარო
მხარდაჭერით, აშშ-ის საერთაშორისო განვითარების სააგენტოს (USAID) მეშვეობით. კვლევაში
გამოთქმული შეხედულებები ეკუთვნის კვლევის ავტორ(ებ)ს და შესაძლოა, არ გამოხატავდეს
აშშ-ის საერთაშორისო განვითარების სააგენტოსა (USAID) ან/და აშშ-ის სახელმწიფოს ხედვებს.

ავტორი: ექსპრესნიუსი,

სოციალური ქსელები

გვარაკიძე: კვლავ მკაცრი იყო პროკურატურის პოლიტიკა ოჯახურ დანაშაულზე, ყველას პატიმრობას ვითხოვდით

საქმე ეხება ფსიქოტროპული წამლებით უკანონო ვაჭრობას - დაკავებულია 17 პირი

რუსეთის კიდევ შვიდ რეგიონში ბენზინის გაყიდვებზე შეზღუდვები დაწესდა

კარაფანო: ივანიშვილისთვის დაწესებული სანქციები დაპირებებით არ მოიხსნება, ბურთი "ოცნების" მოედანზეა