„ოპოზიციის ერთი ნაწილის წარმომადგენლობამ შეცდომაში შეიყვანა თავისი მომხრეები და მშვიდობიან პროტესტს გასცდა ის, რაც ჩვენ ვნახეთ ბოლო ორი დღის განმავლობაში“, - ამის შესახებ პარლამენტის თავმჯდომარემ, არჩილ თალაკვაძემ ბიუროს სხდომაზე განაცხადა.

მისი თქმით, სახელმწიფო ინსტიტუტების ბლოკირება სცდება მშვიდობიანი შეკრებისა და მანიფესტაციის უფლების ფარგლებს.

„გასულ კვირას გადაწყვეტილებამ, რომელმაც საკმარისი ხმები ვერ შეაგროვა გამოიწვია ჩვენი თანამოქალაქეების, ერთი ნაწილის უკმაყოფილება. რა თქმა უნდა, მათ აქვთ მშვიდობიანი პროტესტის უფლება. სამწუხარო არის ის, რომ ოპოზიციის ერთი ნაწილის წარმომადგენლობამ შეცდომაში შეიყვანა თავისი მომხრეები და მშვიდობიან პროტესტს გასცდა ის რაც ჩვენ ვნახეთ ბოლო ორი დღის განმავლობაში. კერძოდ, მე საუბარი მაქვს პარლამენტის და სხვა სახელმწიფო ინსტიტუტების ბლოკირებაზე. ეს მოგეხსენებათ სცდება საქართველოს კონსტიტუციის და კანონმდებლობის მშვიდობიანი შეკრებისა და მანიფესტაციის უფლების ფარგლებს“, - განაცხადა პარლამენტის თავმჯდომარემ.

მისივე თქმით, გუშინ ის დაუკავშირდა საპარლამენტო ოპოზიციის ლიდერებს და სთხოვა გაეგრძელებინათ მშვიდობიანი პროტესტი ან გაეგრძელებინათ პოლიტიკური პროცესი პარლამენტში.

 „გუშინ საღამოს, მე დავუკავშირდი საპარლამენტო ოპოზიციის ლიდერებს და მათ ვთხოვე დაბრუნებულიყვნენ კანონისა და კონსტიტუციის ფარგლებში, გაეგრძელებინათ მშვიდობიანი პროტესტი. ასევე შევთავაზე, რომ პარლამენტში გადაგვეტნა დისკუსია, დაგვებრუნებინა პოლიტიკური პროცესი პარლამენტში, გაგვემართა პოლიტიკური დებატები და ყველა საკითხზე, რომელზეც ოპოზიციას აინტერესებს ჩვენი პოზიციები გამოვთქვი მზადყოფნა, რომ ეს ყველაფერი მომხდარიყო პარლამენტში“, - აღნიშნა არჩილ თალაკვაძემ.

ავტორი: ექსპრესნიუსი,

სოციალური ქსელები

გვარაკიძე: კვლავ მკაცრი იყო პროკურატურის პოლიტიკა ოჯახურ დანაშაულზე, ყველას პატიმრობას ვითხოვდით

საქმე ეხება ფსიქოტროპული წამლებით უკანონო ვაჭრობას - დაკავებულია 17 პირი

რუსეთის კიდევ შვიდ რეგიონში ბენზინის გაყიდვებზე შეზღუდვები დაწესდა

კარაფანო: ივანიშვილისთვის დაწესებული სანქციები დაპირებებით არ მოიხსნება, ბურთი "ოცნების" მოედანზეა