2019-10-30 12:39:41, 1235 ნახვა

---

გომელაური: მაკო გომური გვაბრალებს, რომ ვუსმენთ - ჩვენ ხომ არ დავიწყებთ ამაზე გამოძიებას, პროკურატურას მიმართოს

შინაგან საქმეთა მინისტრის ვახტანგ გომელაურის განცხადებით, 20 ივნისის აქციის დაშლისას დაშავებულმა მაკო გომურმა მის მიერ გაკეთებული განცხადების გამო პროკურატურას ან სახელმწიფო ინსპექტორის სამსახურს უნდა მიმართოს.

კერძოდ, მაკო გომური აცხადებს, რომ  მას უკანონოდ უსმენენ, ხოლო მისი სმს-ები, რომლებიც 20 ივნისის ღამეს უკავშირდება, იშლება.  

"ძალიან სამწუხაროა. ალბათ, პროკურატურას უნდა მიმართოს, ან თუნდაც ახალ სახელმწიფო ინსპექტორს, მიმართოს და გამოიკვლევენ. ჩვენ გვაბრალებს, როგორც მახსოვს, შსს-ზე ჰქონდა ეჭვი. ჩვენ ხომ არ დავიწყებთ გამოძიებას?! გამოძიება ალბათ, პროკურატურამ უნდა დაიწყოს, თუ საჭიროა... არ ვიცი, ალბათ, თვითონ უნდა მიმართოს", - განაცხადა ვახტანგ გომელაურმა.

---

ავტორი: ლუკა ცარციძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი