მსოფლიო ბანკის რეიტინგით შეფასებულია ბიზნესგარემო და ქვეყნების სწრაფვა ეკონომიკური რეფორმებისადმი, - ამის შესახებ ფინანსთა მინისტრის მოადგილემ  მსოფლიო ბანკის ბიზნესის კეთების სიმარტივის 2020 წლის რეიტინგში საქართველოს მიერ მიღწეული შედეგების შეფასებისას განაცხადა.

მისი თქმით, მნიშვნელოვანია, რომ ერთ-ერთ ყველაზე ავტორიტეტულ რეიტინგში საქართველო კვლავ მსოფლიოს წამყვან ათეულშია.  

„წელს საქართველომ რეკორდულად მაღალი ქულა -  83.7 მიიღო რეიტინგში,  რაც ისტორიული მაქსიმუმია ჩვენი ქვეყნისთვის. ეს ჩვენი რეფორმების კიდევ ერთი აღიარების მაჩვენებელია. მსოფლიო ბანკის „ბიზნესის კეთების სიმარტივის რეიტინგში" ძალიან პოზიტიურად აღინიშნა რამდენიმე მიმართულება. მაგალითად: გადასახადების გადახდის  მაჩვენებლით, საქართველომ მნიშვნელოვნად წინ წაიწია, ასევე გაუმჯობესდა პოზიცია  მშენებლობის ნებართვების გაცემის მიმართულებით. აღნიშნული მიღწევები ჩვენთვის მნიშვნელოვანი მოტივაციაა, განვახორციელოთ შემდგომი რეფორმები  და ქვეყანამ კიდევ უფრო მეტად წაიწიოს  წინ რეიტინგში. ჩვენ დაგეგმილი გვაქვს ძალიან მნიშვნელოვანი რეფორმები, რომელთა ინიცირება უახლოეს პერიოდში მოხდება",  - განაცხადა ფინანსთა მინისტრის მოადგილემ ნიკოლოზ გაგუამ.

(NS)

ავტორი: ექსპრესნიუსი,

სოციალური ქსელები

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები

უკრაინის დაზვერვამ კადიროვის სპეცრაზმის ახმატის ათობით მებრძოლი მოკლა

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა