საერთაშორისო ვაჭრობის ცენტრის აღმასრულებელმა დირექტორმა არანჩა გონსალესმა „თბილისის აბრეშუმის გზის ფორუმზე" ვაჭრობის სფეროს რამდენიმე მნიშვნელოვან ასპექტზე ისაუბრა.

არანჩა სანჩესი პანელის „მომგებიანი ვაჭრობა" ერთ-ერთი სპიკერი იყო, მან თავის გამოსვლაში აქცენტები ეკონომიკის ინკლუზიურობის მნიშვნელობაზე გააკეთა.  „მცირე და საშუალო საწარმოები ისეთ ქვეყნებში როგორიც საქართველოა, მთელი ბიზნესის 99% უნდა შეადგენდეს. უნდა დავრწმუნდეთ იმაში, რომ გლობალური ზრდა დადის ყველაზე დაბალ დონეებზე, რომ საზოგადოების ზრდა იყოს უფრო ინკლუზიური, ჩართულობაზე ორიენტირებული", -აღნიშნა მან.

არანჩა გონსალესმა ასევე ხაზი გაუსვა ვაჭრობის სექტორში ტექნოლოგიების განვითარების აუცილებლობას. „ტექნოლოგიების განვითარება ძალიან მნიშვნელოვანია, სწორედ ამიტომ საქართველოს მთავრობა ციფრულ რეჟიმში სთავაზობს ბიზნესებს საჯარო სერვისების მიღებას", - განაცხადა მან.

ამასთან, როგორც მან აღნიშნა, საქართველოსთვის მნიშვნელოვანია საერთაშორისო ორგანიზაციების მხარდაჭერა. „ჩვენ როგორც საერთაშორისო სავაჭრო ცენტრი, ვმუშაობთ მთავრობასთან და ვამაყობთ რომ ამ ძალისხმევაში შეგვაქვს წვლილი. ეს არის გონივრული პოლიტიკა", - აღნიშნა არანჩა გონსალესმა.

მისი ინფორმაციით, საქართველოს აქვს საერთაშორისო sme-ების ნაკლებობა. „სწორედ  ამიტომ ვცდილობთ დავეხმაროთ მათ საერთაშორისო პარტნიორების მოძებნაში. ვცდილობთ ხარისხის ინფრასტრუქტურის გაძლიერებას. საქართველოში ერთ-ერთი ყველაზე გამარტივებული საგადასახადო სისტემაა", - აღნიშნა საერთაშორისო ვაჭრობის ცენტრის აღმასრულებელმა დირექტორმა.

(NS)

ავტორი: ექსპრესნიუსი,

სოციალური ქსელები

აშშ ევროპას აფრთხილებს იარაღის მიწოდების შეფერხების შესახებ, რაც გამოწვეულია მარაგების ამოწურვით

აშშ გერმანიიდან 5000 ჯარისკაცს გაიყვანს

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები