"ყველაფრისთვის მზად ვარ, - ასე გამოეხმაურა საქართველოს პრემიერ-მინისტრი გიორგი გახარია "თიბისი ბანკის" დამფუძნებლის მამუკა ხაზარაძისთვის გაგზავნილი "მუქარის წერილის" პროკურატურაში წარდგენის ფაქტს. 

ჟურნალისტები დაინტერესდნენ, შეცვლის თუ არა რამეს გამოძიებისთვის ხაზარაძის მიერ წერილის დედანის გადაცემა და არის თუ არა გახარია მზად, საჭიროების შემთხვევაში უწყებაში გამოცხადდეს.

"არ ვიცი, უკვე ამას როგორ ვუპასუხო, ისე ვითარდება ეს ყველაფერი. ერთხელ ვთქვი, ჯერ დაველოდები, რას იტყვიან და შემდეგ გავაკეთებ კომენტარს-თქო. ახლა ისე გამოდის სიტუაცია, ყველაფრისთვის მზად ვარ", - განაცხადა გახარიამ.

ცნობისთვის, "თიბისი ბანკის" დამფუძნებლის მამუკა ხაზარაძის ადვოკატი ზვიად კორძაძე აცხადებს, რომ "მუქარის წერილს" ჩაუტარდა ექსპერტიზა და მისი შედეგების თანახმად 17 ანაბეჭდია აღმოჩენილი. ამასთან, დაცვის მხარე პროკურატურას შესაბამის დოკუმენტაციას და წერილის ორიგინალს დღეს გადასცემს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს