2019-10-10 15:19:32, 4338 ნახვა
პოლიტიკა
სალომე ზურაბიშვილი საქართველოს პრემიერ-მინისტრის ბაქოში ვიზიტის შედეგს მიესალმება
საქართველოს პრეზიდენტი სალომე ზურაბიშვილი, პრემიერ-მინისტრის გიორგი გახარიას ბაქოში ვიზიტის შედეგს მიესალმება.
ინფორმაციას პრეზიდენტის ადმინისტრაცია ავრცელებს.
"ორი ქვეყნის ნაციონალური ინტერესებისა და ისტორიის გათვალისწინებით, ქართული საზოგადოებისათვის დავით გარეჯის სამონასტრო კომპლექსში არსებული ეკლესიების გახსნა კიდევ ერთი ნაბიჯია გარეჯის კომპლექსისა და მთლიანად საზღვრის დაზუსტების საკითხების მოსაგვარებლად.
აზერბაიჯანი ჩვენი სტრატეგიული პარტნიორია და დარწმუნებული ვარ, რომ ერთობლივი ძალისხმევის შედეგად, აუცილებლად მოიძებნება ორი მეგობარი ქვეყნის ინტერესების შესაბამისი გადაწყვეტილებები"-, აღნიშნულია საქართველოს პრეზიდენტის განცხადებაში.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
