|
2019-10-10 15:02:52, 2667 ნახვა
კომენტარი
მამუკა ხაზარაძე: ივანიშვილმა რეიდები რუსეთში ისწავლა და საქართველოში ახორციელებს
თბილისის საქალაქო სასამართლოში „თიბისი ბანკის“ დამფუძნებლების მამუკა ხაზარაძისა და ბადრი ჯაფარიძის სასამართლო პროცესი დასრულდა. როგორც ხაზარაძემ ჟურნალისტებს განუცხადა, „ქართული ოცნების“ თავმჯდომარე ბიძინა ივანიშვილი საბჭოთა მენტალიტეტით რეიდებს აწყობს, რისი გამოცდილებაც რუსეთში მიიღო. „ჩვენ საქმე გვაქვს ივანიშვილის ავტოკრატულ მმართველობასთან, მის კერძო ადვოკატთან, რომელიც დღეს მთავარი პროკურორია, უდიპლომო, უცოდინარ ადვოკატთან. პროკურორები ურცხვად ითხოვდნენ მტკიცებულებებს, რომლებიც მოიპოვა ჩვენმა ადვოკატმა, დღეს ითხოვენ ამ მტკიებულებების ამოღებას საქმიდან. ეს ხალხი არ არის ღირსი, რომ საქართველოს ემსახუროს, არაა ჩვენი ქვეყანა ღირსი, რომ ეს სამართალი ჰქონდეს. ჩვენ შევცვლით ამ სიტუაციას, დავტოვებთ ღირსეულ ადამიანებს. გავწმენდთ და დავტოვებთ ამ ქვეყანას ღირსეული და წესიერი ადამიანების ხელში. ბიძინა ივანიშვილის საბჭოური მენტალიტეტი, რეიდები, რომლებიც მან რუსეთში ისწავლა და საქართველოში ახორციელებს, ის მეთოდები, დაპირებები, ტყუილები, რომლებიც ჩვენ მოვისმინეთ ორი საარჩევნო პერიოდის განმავლობაში, სამარცხვინოა. მინდა „ოცნების“ წევრებს ვუთხრა, რომ შეგრცხვეთ, რას პირდებოდით ხალხს და რა მივიღეთ რეალურად. ჩვენ მივიღეთ დიდი ჭაობი და ამ ჭაობიდან დროზე უნდა ამოვიდეთ ერთად. აქ საუბარია ჩვენ შვილებზე და სახელმწიფოს ჩამოყალიბებაზე. ამ სახელმწიფოს ჩვენ წესიერ ადამიანებთან ერთად ჩამოვაყალიბებთ“, - განაცხადა მამუკა ხაზარაძემ. შეგახსენებთ, საქართველოს გენერალური პროჯურატურა თიბისი ბანკის დამფუძნებლებს, მამუკა ხაზარაძეს და ბადრი ჯაფარიძეს ჯგუფურად, 16 754 000 ამერიკული დოლარის უკანონო შემოსავლის ლეგალიზაციას ედავება.
ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ
მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული
პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა
გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს
|
რედაქტორის რჩევით
რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
ომი უკრაინაში
რუსეთმა ოდესაზე იერიში მიიტანა: 10 ადამიანი დაშავდა, მათ შორის 2 ბავშვი
რუსეთის არმიაში საკვების დეფიციტის ფონზე კანიბალიზმის შემთხვევები დაფიქსირდა - The Sunday Times
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ექსპრესნიუსი,



epn.ge (@expressnews.ge)