|
2019-10-09 18:00:04, 1723 ნახვა
კომენტარი
მუსტაფაევა - მუხთარლის გატაცების შემდეგ, საქართველოში თავისუფალი მედიის შესახებ მითი დაინგრა
„როდესაც ორნახევარი წლის წინ ჩემი მეუღლე გაიტაცეს და უკანონოდ გადასცეს აზერბაიჯანულ მხარეს, მითი საქართველოში თავისუფალი მედიის შესახებ დაინგრა“, - ამის შესახებ აზერბაიჯანელი ჟურნალისტის აფგან მუხთარლის მეუღლემ ლეილა მუსტაფაევამ თბილისში მედია თავისუფლების საკითხზე გამართულ, სამხრეთ კავკასიის მე-16 მედია ფორუმზე განაცხადა. მისი თქმით, სამხრეთ კავკასიაში მედიის თავისუფლების მხრივ, მდგომარეობა საქართველოსა და სომხეთში უკეთესია, ვიდრე აზერბაიჯანში. „სამხრეთ კავკასიაში ჩვენ მედია თავისუფლების შესადარებლად ვიყენებთ სომხეთს, აზერბაიჯანსა და საქართველოს. ვფიქრობ სომხეთსა და საქართველოში მედია უკეთესს პირობებშია, მაგრამ აუცილებელია ერთმანეთს არა ცუდი, არამედ კარგი ინდიკატორი შევადაროთ", - განაცხადა მუსტაფაევამ. მან ასევე "რუსთავი 2"-ის საკითხზე ისაუბრა და აღნიშნა, რომ ცენზურა მედია პლურალიზმს ხელს უშლის. „რაც შეეხება "რუსთავი 2"-ის საქმეს, სიჩუმე ხელს უწყობს ცენზურას და ხელს უშლის მედია პლურალიზმს. თავისუფალი მედიის რღვევა აზერბაიჯანში 20 წლის წინ დაიწყო და ვიმედოვნებ საქართველოში 10 წლის შემდეგ ეს არ განმეორდება", - დასძინა მუსტაფაევამ. შეგახსენებთ, აფგან მუხთარლი აზერბაიჯანის ერთ-ერთ ციხეში იმყოფება. სასამართლომ მას 6 წლით თავისუფლების აღკვეთა მიუსაჯა. ჟურნალისტი თბილისიდან 2017 წელს გაიტაცეს. მას საზღვრის უკანონო კვეთა, პოლიციისადმი დაუმორჩილებლო და კონტრაბანდის გადატანა ედება ბრალად. ჟურნალისტი საქართველოში ცხოვროვდა და აზერბაიჯანის ხელისუფლებას, რომელზეც კრიტიკულ სტატიებს წერდა თავს თბილისში ოჯახთან ერთად აფარებდა.
ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ
მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული
პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა
გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს
|
რედაქტორის რჩევით
რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
ომი უკრაინაში
რუსეთმა ოდესაზე იერიში მიიტანა: 10 ადამიანი დაშავდა, მათ შორის 2 ბავშვი
რუსეთის არმიაში საკვების დეფიციტის ფონზე კანიბალიზმის შემთხვევები დაფიქსირდა - The Sunday Times
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ექსპრესნიუსი,



epn.ge (@expressnews.ge)