,,ქართული ოცნების“ საარჩევნო სიის თანახმად, შესაძლოა, ვანო ზარდიაშვილის სადეპუტატო მანდატი თბილისის საკრებულოს მოქმედმა წევრმა, ირაკლი ზარქუამ ჩაანაცვლოს.

ზარდიაშვილი პარლამენტში პროპორციული სიით არის არჩეული და მანდატის დატოვების შემდეგ ის წესით "ქართული ოცნებიდან" სიით მომდევნო კანდიდატმა უნდა ჩაანაცვლოს.

დეპუტატის მანდატი 10 სექტემბერს "ქართული ოცნების" წევრმა შოთა შალელაშვილმაც დატოვა. პარლამენტში ბიუროს სხდომაზე შალელაშვილის შემცვლელად კი ლევან მგალობლიშვილის კანდიდატურა მიიღეს. შესაბამისად, საარჩევნო სიის მიხედვით, ვანო ზარდიაშვილს ლევან მგალობლიშვილის მომდევნო პიროვნება — ირაკლი ზარქუა შეცვლის. ის ამჟამად თბილისის საკრებულოს მოქმედი წევრია.

იმ შემთხვევაში თუ ზარქუა საკრებულოში დარჩება, ვანო ზარდიაშვილს პარლამენტში სიით მომდევნო - თემურ გოცირიძე შეცვლის.

ცნობისთვის, ქართული ოცნების დეპუტატმა, ვანო ზარდიაშვილმა პარლამენტის დატოვების შესახებ საკანონმდებლო ორგანს დღეს, 7 ოქტომბერს მიმართა.

გიორგი ჩაფიძე 

ავტორი: ექსპრესნიუსი,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე