ბესელია - გამოძიებას იმ დეპუტატების გვარებს მივაწვდი, რომლებიც პირად გავლენებს საკუთარი ინტერესებისთვის იყენებენ

2019-09-30 12:21:13, 1895 ნახვა

კომენტარი

პარლამენტის დამოუკიდებელი დეპუტატი ეკა ბესელია საგამოძიებო ორგანოში გამოკითხვაზე მისვლას დღეს აპირებს.

როგორც ბესელიამ ჟურნალისტებს განუმარტა, ის გამოძიებას იმ დეპუტატების გვარებს მიაწვდის, რომლებიც მისივე მტკიცებით, პირად გავლენებს საკუთარი ინტერესებისთვის იყენებენ.

"ერთი რამ შემიძლია გითხრათ, ის რაც გამანდეს მე პირადად, როგორც პარლამენტის წევრს, და ეს ეხება სხვის პირად დაცულ სივრცეს, მე რა თქმა უნდა არასოდეს თავს უფლებას არ მივცემ, რომ ეს გავასაჯაროო. მიმაჩნია, რომ ვინც ამას აკეთებს, ყოვლად უღირსია. მაგრამ რაც საჭიროა, პრევენციული ქმედებებისთვის, რომ დაცული იყოს ნებისმიერი ადამიანის პირადი სივრცე, ამისთვის შემიძლია გარკვეული ნაბიჯები გადავდგა და საგამოძიებო ორგანოსთან ვისაუბრო. ვისაუბრებ კონკრეტულ გვარებთან დაკავშირებით, რაც ეხება საკუთარი სტატუსის გამოყენებას და უკანონო კავშირს სასამართლოს წარმომადგენლებთან, რისი საშუალებითაც პირადი ინტერესების ლობირება ხდება", - განაცხადა ეკა ბესელიამ.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან