გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი სომხეთის რესპუბლიკის ეროვნული კრების დელეგაციის წევრებს შეხვდა.

დელეგაციას სომხეთის რესპუბლიკის ეროვნული კრების ვიცეპრეზიდენტი და საქართველო-სომხეთის საპარლამენტო მეგობრობის ჯგუფის ხელმძღვანელი ლენა ნაზარიანი ხელმძღვანელობდნენ.
სოლომონ პავლიაშვილმა დელეგაციის წევრებს სამინისტროს საქმიანობის შესახებ მიაწოდა ინფორმაცია და ყურადღება გარემოსდაცვითი და აგრარული დარგის განვითარების მიმართულებით  სახელმწიფო ხელშემწყობ პროგრამებზე გაამახვილა.

მინისტრის მოადგილემ ტყის, ბიომრავალფეროვნების სექტორის და ნარჩენების მდგრადი მართვის მიმართულებით განხორციელებულ საკანონმდებლო საკითხებზე ისაუბრა და სახელმწიფოში გარემოსდაცვითი საკითხების პრიორიტეტულობას გაუსვა ხაზი.  

საუბარი შეეხო სოფლის მეურნეობის სამეცნიერო-კვლევითი ცენტრის ჯიღაურას სანერგე მეურნეობის  და სოფლისა და სოფლის მეურნეობის განვითარების სააგენტოს საქმიანობის საკითხებსაც.
„სომხეთის საპარლამენტო დელეგაციის ვიზიტი კიდევ ერთი პოზიტიური ნაბიჯია ქვეყნებს შორის როგორც პოლიტიკური, ისე ეკონომიკური და კულტურული მიმართულებებით ურთიერთობის განმტკიცებისთვის. სტუმრებს გავაცანით ის საგრანტო პროგრამები, რომლებსაც გარემოს დაცვისა და სოფლის მეურნეობის სამინისტრო ახორციელებს და ვესაუბრეთ იმ რეფორმებზე, რომლებიც გარემოსდაცვითი მიმართულებით მიმდინარეობს“, - განაცხადა სოლომონ პავლიაშვილმა.

„ჩვენთვის საინტერესოა საქართველოში მიმდინარე პროგრამების გაცნობა და გამოცდილების გაზიარება. ვფიქრობ, ასეთი ტიპის ვიზიტები ხელს უწყობს ქვეყნების განვითარებას“, - აღნიშნა სომხეთის რესპუბლიკის ეროვნული კრების ვიცეპრეზიდენტმა, ლენა ნაზარიანმა. 

გარემოს დაცვისა და სოფლის მეურნეობის სამინისტროში გამართულ შეხვედრას საქართველოს პარლამენტის თავმჯდომარის მოადგილე, საქართველო-სომხეთის საპარლამენტო მეგობრობის ჯგუფის ხელმძღვანელი  გიორგი ვოლსკი, აგრარულ საკითხთა კომიტეტის თავმჯდომარის მოადგილე ირაკლი შიოლაშვილი, საქართველოს ელჩი სომხეთის რესპუბლიკაში გიორგი საგანელიძე და სამინისტროს შესაბამისი სამსახურების წარმომადგენლები ესწრებოდნენ.

(NS)

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს