პარლამენტში, იურიდიულ საკითხთა კომიტეტის სხდომაზე, სადაც უზენაესი სასამართლოს მოსამართლეობის კანიდატ შოთა გეწაძეს უსმენენ კომიტეტის თავმჯდომარე ანრი ოხანაშვილი და დამოუკიდებელი დეპუტატი ბექა ნაცვლიშვილი ერთამანეთს სიტყვიერად დაუპირისპირდნენ.

დეპუტატებს შორის სიტყვიერი დაპირისპირება მოსამართლეობის კანდიდატისთვის კითხვების დასასმელად გამოყოფილ დროზე მსჯელობას მოჰყვა.

დამოუკიდებელი დეპუტატები თავდაპირველად ითხოვდნენ  ფრაქცია „პატრიოტთა ალიანსის“ დროით ესარგებლათ, რადგან, მათ ამაზე შეუთანხმდნენ. ოხანაშვილმა კი მათ ამის უფლება არ მისცა.

 ბექა ნაცვლიშვილმა კომიტეტის თავმჯდომარეს მიმართა, რომ 14:00 საათზე მას შეხვედრა აქვს, რომლის დასრულების შემდეგ, დამოუკიდებელი დეპუტატებისთვის გამოყოფილი დრო შესაძლოა დასრულებული იყოს. დარბაზიდან გასვლისას ნაცვლიშვილმა ოხანაშვილს კიდევ ერთხელ ჰკითხა შეძლებდა თუ არა მოსამრთლეობის კანდიდატთან შეკითხების დასმას, რაზეც ოხანაშვილმა უპასუხა: „ბექა წადი, წადი შეხვედრაზე არ დაგაგვიანდეს“. აღნიშნულმა რეპლიკამ ნაცვლიშვილის გაღიზიანება გამოიწვია.

„წესიერებისკენ შენ ნუ მომიწოდებ, ბიჭო! ნუ აძლევ თავს ზედმეტის უფლებას“, - მიმართა ნაცვლიშვილმა ოხანაშვილს.

კომიტეტის თავმჯდომარემ, თავის მხრივ, ნაცვლიშვილს თავის გაკონტროლებისკენ მოუწოდა: „ბიჭო შენი სასწავლებელი მე არაფერი მაქვს, პარლამენტის წევრი ვარ თუ არა. ნახე რა, თავში აუვარდა“.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს