რუსეთის საპარლამენტო დელეგაციის წევრებს, რომლებიც ნიუ-იორკში გაერო-ს გენერალურ ასამბლეაზე დასასწრებად მიემგზავრებოდნენ, ამერიკის შეერთებულმა შტატებმა ვიზა არ მისცა, - ამის შესახებ რუსეთის საერთაშორისო საქმეთა კომიტეტის თავმჯდომარემ კონსტანტინ კოსაჩევმა განაცხადა. ინფორმაციას "რია ნოვოსტი" ავრცელებს. 

როგორც კოსაჩოვმა აღნიშნა, მასთან ერთად ასამბლეის 74-ე სესიაზე კიდევ რამდენიმე დელეგატი უნდა გამგზავრებულიყო, თუმცა ვიზა არც მათ მისცეს. 

"საერთაშორისო საზოგადოების წინაშე აღებული ვალდებულებების დარღვევით, ამერიკულმა მხარემ დელეგაციის რამდენიმე წევრს, მათ შორის მეც, რომლებიც დღეს გაეროს გენერალურ ასამბლეაზე დასასწრებლად ნიუ-იორკში გამგზავრებას ვაპირებდით, ვიზის გაცემაზე უარი გვითხრა. ეს მათი მხრიდან გაერთიანებული ერების უპატივცემულობის მაგალითია. აგრეთვე ამერიკამ არ შეასრულა ნაკისრი ვალდებულება, როგორც მასპინძელმა ქვეყანამ", - განაცხადა კოსაჩოვმა. 

თავის მხრივ ოფიციალური ვაშინგტონი ტექნიკურ პრობლემებზე საუბრობს და განმარტავს, რომ რუსულმა დელეგაციამ დოკუმენტები დაგვიანებით წარადგინა. მოსკოვი ბრალდებებს უარყოფს. 

ფაქტს საგარეო საქმეთა სამინისტროს ოფიციალური წარმომადგენელი მარია ზახაროვა გამოეხმაურა და დასძინა, რომ დოკუმენტები დროულად გაიგზავნა. მისივე მტკიცებით, ყველა საჭირო საბუთი იმ ვადებში გადაიგზავნა, რა ვადებიც ამერიკულ მხარეს ჰქონდა მითითებული. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ვეტერანი სენატორი, რესპუბლიკელი ლინდსი გრემი გარდაიცვალა

ჩერგოლეიშვილი – ღნავიან, სასამართლოს დაწვის ამოცანით შენობაში შეჭრილ ელისაშვილს ამდენი წელი რატომ მიუსაჯესო, ამ უპასუხისმგებლო არსების ჰეროიზაციას ახდენენ

წინასწარ შემიძლია ვთქვა, რომ ზარალი იქნება დიდი – კახეთის რწმუნებული ადიდებულ მდინარეზე

თელავში უხვი ნალექის შედეგად დაიტბორა საცხოვრებელი სახლებისა და შენობების პირველი სართულები