2019-09-18 16:44:09, 1753 ნახვა
პოლიტიკა
მაია ცქიტიშვილი ეკონომიკის სამინისტროდან ენერგეტიკის გამოყოფას არ ადასტურებს
რეგიონული განვითარებისა და ინფრასტრუქუტის მინისტრი მაია ცქიტიშვილი ეკონომიკის სამინისტროდან ენერგეტიკის სექტორის გამოყოფაზე ინფორმაციას არ ადასტურებს.
მინისტრის განცხადებით, ახლა მთავრობა არსებული გეგმების, ინიციატივების უფრო სწრაფ განხორციელებაზე მუშაობს.
„ამ ეტაპზე ვმუშაობთ არსებული გეგმების, ინიციატივების უფრო სწრაფ განხორციელებაზე. რაც შეეხება პარლამენტში მოსმენის დროს, ბატონი გიორგის და პარლამენტარების მხრიდან გაჟღერებულ მოსაზრებებს, მაშინაც ვთქვით, რომ ამას სჭირდება ცოტა მეტი დაფიქრება. ამ მოსმენების შემდეგ მხოლოდ 10 დღე არის გასული. ასე რომ, უნდა დაველოდოთ“, - განაცხადა მაია ცქიტიშვილმა.
ინფორმაციას „იმედინიუსი“ ავრცელებს.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
