„რეზოლუციებს როგორც კი ახსენებთ, მე მახსენდება და ყველას ახსენდება 2008 წლის რეზოლუცია, თქვენი პროვოკაციული მოქმედებები, თქვენი რეალური პარტნიორები“, - ამ სიტყვებით ფრაქცია „ქართული ოცნება - დემოკრატული საქართველოს“ თავმჯდომარე მამუკა მდინარაძემ „ევროპული საქართველოს“ წევრებს მიმართა.

მდინარაძის შეფასებით,  ოპოზიცია თავს აჯერებს, რომ პროდასავლურად იქცევა.

„რაც შეეხება თქვენს რეზოლუციებს და თქვენს დაანონსებულ ფსევდო-პატრიოტულ ცეკვებს, ამ ცეკვებში ვერ აგყვებით. იმიტომ, რომ ეს არის მხოლოდ ერთი მიზნისკენ მიმართული, რომ საზოგადოება რაღაცნაირად ან მოატყუოთ ჩვენთან დაკავშირებით, წარმოდგენებთან და კურსთან მიმართებით, ან საკუთარ თავზე დააჯეროთ, რომ პროდასავლურად იქცევით, მაშინ,  როდესაც რეზოლუციებს როგორც კი ახსენებთ, მე მახსენდება და ყველას ახსენდება 2008 წლის რეზოლუცია, ახსენდება თქვენი პროვოკაციული მოქმედებები, თქვენი რეალური პარტნიორები“, - განაცხადა მდინარაძემ.

მისი განცხადებით, ხელისუფლება დასავლელ პარტნიორებთან ინტენსიურად მუშაობს, რაც შესაბამის რეზოლუციებში არის ასახული.

„ეტყობა სწორი დასკვნები ვერ გამოგაქვთ ვრცელი და დეტალური განმარტებებიდან. კიდევ უფრო მოკლედ შევეცდები აგიხსნათ. მოკლედ, თქვენც ძალიან კარგად იცით, რომ ამ თემებზე ვმუშაობთ. ამ თემებზე ინტენსიური მუშაობა მიდის, რაც შემდეგ აისახება ხოლმე იმ რეზოლუციებში, რასაც ჩვენი საერთაშორისო დასავლელი პარტნიორები უჭერენ მხარს. სიტყვა არის ერთი და სიტყვას თუ საქმე არ დაემთხვა, ამ შემთხვევაში პროდასავლურობაზე ასე თამამად აღარ უნდა ვილაპარაკოთ",-განაცხადა მამუკა მდინარაძემ.

შეგახსენებთ, რომ „ევროპული საქართველოს“ მიერ წამოყენებული დადგენილების არსი სამ ფუნქტს ითვალისწინებს, კერძოდ:

• საქართველოს ოკუპირებული ტერიტორიებიდან საოკუპაციო ძალების გაყვანა და 2008 წლის ევროკავშირის შუამდგომლობით მიღწეული ცეცხლის შეწყვეტის შესახებ ხელშეკრულების შესრულების მოთხოვნა შევიდეს ევროკავშირისა და აშშ-ს მიერ რუსეთის ფედერაციაზე დაკისრებული სხვადასხვა სანქციების მოთხოვნებში;
• ევროპის კავშირის და აშშ-ს მიერ რუსეთის ფედერაციაზე დაწესებული შესაბამისი პერსონალური სანქციების პაკეტებში ოთხოზორია-ტატუნაშვილის სიის შეტანა;
• ევროპის კავშირისა და აშშ-ს მიერ სანქციების შემოღება ყველა კომპანიის მიმართ, რომლებიც ეკონომიკურ საქმიანობას, მაგალითად, ეთნიკური წმენდის მსხვერპლთა ქონების გაქირავებას, წარმართავენ საქართველოს ოკუპირებულ ტერიტორიებზე.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა