10 სექტემბერი „ენერგეტიკოსის დღეა" - ამ სფეროში მომუშავე ადამიანებს პროფესიული დღე საქართველოს ეკონომიკისა და მდგრადი განვითარების მინისტრმა მიულოცა.

 ნათია თურნავას განცხადებით,  ყოველი ადამიანი, რომელიც პროფესიულად ჩართულია ენერგეტიკის დარგის მშენებლობაში, ასრულებს ისტორიულ ფუნქციას, რადგან ქვეყნის მომავალი,  განვითარება და ინტეგრაცია გლობალურ ეკონომიკაში, სხვა მნიშვნელოვან მიმართულებებთან ერთად, გადის  სწორედ ენერგეტიკაზეც.

 „მე შემიძლია დაუსრულებლად ვილაპარაკო იმ დიდ ენერგეტიკულ პროექტებზე, რომლებმაც, რეალურად, სასიკეთო გარდატეხა უნდა შეიტანონ ჩვენს ეკონომიკურ კეთილდღეობაში, თუმცა, ყველაფერი უფერულდება, თუ ჩვენ განსაკუთრებულ მადლობას არ გადავუხდით ადამიანებს, რომლებიც საჯაროდ არ ჩანან, მაგრამ მათ გარეშე არ იქმნება არაფერი - ისინი დღე და ღამე შრომობენ, აშენებენ, ქმნიან, სწავლობენ, წვალობენ, ასრულებენ სარისკო სამუშაოებს იმისთვის, რომ ჩვენ გვქონდეს უწყვეტი ენერგომომარაგება, გვქონდეს გენერაციის ახალი ობიექტები, გვქონდეს ახალი ტექნოლოგიები, გვქონდეს მწვანე განვითარება და გვქონდეს მომავალი", - აღნიშნა ნათია თურნავამ.

(NS)

ავტორი: ექსპრესნიუსი,

სოციალური ქსელები

შეერთებული შტატები 40 წლის შემდეგ პირველად შექმნის ახალ ბირთვულ ქობინს

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?