პარლამენტში მთავრობისთვის ნდობის გამოცხადების საკითხის განხილვა მიმდინარეობს.

სხდომაზე პრემიერ-მინისტრობის კანდიდატი გიორგი გახარია დეპუტატების წინაშე მოხსენებით წარსდგა და მთავრობის ძირითად სამოქმედო მიმართულებებზე ისაუბრა.

„უდიდესი პასუხისმგებლობაა, ვიდგე აქ და მოგმართოთ თქვენ, ამ სტატუსით. მინდა პირველ რიგში, მადლობა გადაგიხადოთ, იმ გაწეული შრომისთვის, რომელიც თქვენ, ჩემს კოლეგა მინისტრებთან ერთად გასწიეთ  ბოლო დღეების განმავლობაში. ეს იყო დეტალური განხილვა მთავრობის 2019-2020 წლების სამოქმედო გეგმის, ამიტომ მე დღეს შევეცდები პრინციპებზე, საკვანძო ფასეულობებზე და რა თქმა უნდა, მთავრობის სამოქმედო, ძირითად განზომილებებზე ვისაუბრო.

ჩვენ ძირითადად ორიენტირებულები ვიქნებით საქმეზე, შედეგიანობაზე, ეფექტურობაზე. ეს იქნება ჩვენი ძირითადი პრინციპები და ჩვენ კარგად გვესმის ხალხის შეფასება. ხალხის ხმა იქნება ჩვენი ძირითადი მაკოორდინირებელი ძალა. ჩვენ ასევე, გვესმის, რომ ჩვენს მოქალაქეს, სადაც არ უნდა ცხოვრობდეს ის, ქალაქში თუ სოფელში, არ აინტერესებს ჩვენი პროგრამები, ინიციატივები, რეფორმები და გეგმები. მისთვის სახელმწიფოს განსახიერება არის რიგითი სახელმწიფო მოხელე, რომელიც ვერ ასრულებს, ხშირ შემთხვევაში, ან ასრულებს მის დაკვეთას,  უგვარებს მას ყოველდღიურ პრობლემებს. ამიტომ, მიზნის მისაღწევად, ყველას უნდა გვესმოდეს, რომ ჩვენ უნდა ვიმუშაოთ და ვიშრომოთ ერთად: მთავრობამ, პარლამენტმა, ხელისუფლებამ ერთად, ოპოზიციამ, მათ შორის და რა თქმა უნდა, ჩვენმა მოქალაქეებმა. სხვანაირად ჩვენ ჩვენს მიზანს - წარმატებულ ხვალინდელ დღეს, ვერ მივაღწევთ. რა იქნება ჩვენი ძირითადი პრინციპი - რა თქმა უნდა, ეფექტიანობა. ეფექტიანობა და კიდევ ერთხელ ეფექტიანობა. ქმედითი ღონისძიებები იმისთვის, რომ ჩვენს მოქალაქეებს შევუმსუბუქოთ საკმაოდ მძიმე ყოფა. აქ ყველაზე მნიშვნელოვანი პრინციპი იქნება შემდეგი -გონივრული ვადა. შეუძლებელია, რომ ჩვენ ჩვენს მოქალაქეს არ ვუთხრათ რას ვაკეთებთ, რა გეგმა გვაქვს და ეს გეგმა როდის იქნება შესრულებული. კიდევ ერთი მნიშვნელოვანი პრინციპი, რა თქმა უნდა, იქნება კეთილსინდისიერება. ჩვენ უნდა გვესმოდეს, რომ ეფექტურობა, გონივრულ ვადაში და კეთილსინდისიერება - ეს იქნება ძირითადი პრინციპი და აქ კეთილსინდისიერებასთან ბმაში მინდა ხაზგასმით აღვნიშნო, რომ ჩვენი მთავრობისთვის ყველა სახის კორუფციასთან ბრძოლა იქნება. ეს არ არის გასაკვირი იმიტომ, რომ ჩვენს მსგავს ეკონომიკებში, გარდამავალ ეკონომიკებში, სუსტი ინსტიტუციებით, კორუფციასთან ბრძოლა უნდა იყოს მუდმივი პროცესი და შემდგომი 10-20 წელი ეს პრიორიტეტი ყოველდღიურად უნდა იდგეს ჩვენს წინაშე“, - განაცხადა გიორგი გახარიამ.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია