2019-09-07 15:39:39, 1787 ნახვა
პოლიტიკა
გახარია: ჩვენ ქვეყანაში პოლიტიკური რეალობის შეცვლა ფიზიკური ძალადობით ვეღარ მოხდება
ჩვენ ქვეყანაში პოლიტიკური რეალობის შეცვლა ფიზიკური ძალადობით ვეღარ მოხდება, - ამის შესახებ პრემიერ-მინისტრობის კანდიდატმა გიორგი გახარიამ „ქართული ოცნების“ ფრაქციებთან საპარლამენტო გამოსვლისას 20 ივნისის მოვლენებზე საუბრისას განაცხადა.
მისი თქმით, ამისთვის არჩევნები არსებობს.
„ვერავინ ვერ გაუჩენს კომპლექსს პოლიციას, შინაგან საქმეთა სამინისტროს და სახელმწიფოს, რომ სახელმწიფომ თავისი ინსტიტუტები უნდა დაიცვას ფიზიკური ძალადობისგან. ერთხელ და სამუდამოდ უნდა შევთანხმდეთ, რომ ჩვენ ქვეყანაში პოლიტიკური რეალობის შეცვლა ფიზიკური ძალადობით ვეღარ მოხდება. ამისთვის, არსებობს არჩევნები, ამისთვის არსებობს პარლამენტი და ამისთვის არსებობს მიკროფონი, რომელსაც იმედია რომ ამ შენობაში მაინც აღარ გამორთავენ“, - განაცხადა გიორგი გახარიამ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
