მამუკა ხაზარაძისა და ბადრი ჯაფარიძის ადვოკატს ვურჩევ, წერილის ექსპერტიზის შედეგები კენჭისყრას დაამთხვიოს, - ასე გამოეხმაურა პრემიერ-მინისტრობის კანდიდატი გიორგი გახარია „თიბისი ბანკის“ დამფუძნებლის, მამუკა ხაზარაძის ადვოკატის დღევანდელ განცხადებას „მუქარის წერილთან“ დაკავშირებით.

„ამ წერილის ექსპერტიზაზე გაგზავნის შემდეგ გავიდა 6 თვე. მამუკა ხაზარაძის ადვოკატს ვურჩევ, რომ ექსპერტიზის პასუხი პლენარულ სხდომაზე კენჭისყრას დაამთხვიოს. მადლობა“, - განაცხადა გიორგი გახარიამ.

ცნობისთვის, „თიბისი ბანკის“ დამფუძნებლების მამუკა ხაზარაძისა და ბადრი ჯაფარიძის ადვოკატმა სტივენ ქეიმ დღეს გამართულ პრესკონფერენციაზე განაცხადა, რომ „მუქარის წერილის“ ექსპერტიზა დასრულებულია და შედეგები უახლოეს პერიოდში გასაჯაროვდება.

შეგახსენებთ, მიმდინარე წლის 4 მარტს, მამუკა ხაზარაძემ განაცხადა, რომ იმ დროინდელი შს მინისტრისგან, გიორგი გახარიასგან მუქარის შემცველი წერილი მიიღო: „წერილი მოწერილი იყო შინაგან საქმეთა მინისტრისგან, გიორგი გახარიასგან. მე მინდა, რომ არ აღმოვჩნდე იმ სიტუაციაში, რომ წერილებით დავიწყო სირბილი მედიის და ჟურნალისტების წინაშე. ეს იყო მუქარის შემცველი წერილი რაღაცის შესრულების საფასურად, რაც ჩვენ არ გავაკეთეთ და არც გავაკეთებთ“.

 თავის მხრივ, გახარიამ ხაზარაძისთვის წერილის მიწერის ფაქტი უარყო: „მე მამუკა ხაზარაძისთვის წერილი არ მიმიწერია და არც გამიგზავნია მამუკა ხაზარაძისთვის რაიმე წერილი. წერტილი!“.

ავტორი: ექსპრესნიუსი,

სოციალური ქსელები

საპატრიარქოში სინოდის სხდომა დაიწყო

მეუფე საბა ინწკირველი - დღევანდელი დღე არის ისტორიული. დიდი მოლოდინია, დიდი ინტერესია

ბიზნესის მოდული თიბისი კამპუსში - სივრცე მათთვის, ვისაც იდეების სჯერა

„ოქროს მოსამართლე“ ხახალევა თბილისში ცხოვრობს; რუსეთი მისი აქტივების კონფისკაციას ითხოვს