პარლამენტმა საკონსტიტუციო ცვლილებების სახალხო განხილვის კომისიის შექმნას მხარი დაუჭირა

2019-09-03 14:32:09, 1227 ნახვა

საზოგადოება

საქართველოს პარლამენტმა საარჩევნო კოდექსის შესახებ საკონსტიტუციო ცვლილებებთან დაკავშირებით სახალხო განხილვების კომისიის შექმნას მხარი დაუჭირა.

აღსანიშნავია, რომ კენჭისყრის პროცესში მონაწილეობა "ევროპული საქართველოს" დეპუტატებმაც მიიღეს, რომლებიც მანამდე პარლამენტის თავმჯდომარის არჩილ თალაკვაძის მოთხოვნით, ხმაურის გამო, დარბაზიდან გააძევეს.

ცნობისთვის, სახალხო განხილვების კომისია 13 წევრისგან იქნება დაკომპლექტებული. ასეთი ტიპის კომისიის შექმნა საჭიროა, რათა საპარლამენტო უმრავლესობის მიერ მომზადებული საკონსტიტუციო ცვლილება განიხილონ, რომელიც 2020 წლისთვის პროპორციულ საარჩევნო სისტემაზე გადასვლას ითვალისწინებს. არჩევნები ერთჯერადად ნულოვანი ბარიერის პირობებში ჩატარდება.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან