ე.წ. სამხრეთ ოსეთის დე-ფაქტო პრეზიდენტის ანატოლი ბიბილოვის გადაწყვეტილებით, სოფელ წნელისთან პოლიციის საგუშაგოს ცხინვალის დე-ფაქტო ხელისუფლებაც განათავსებს. ინფორმაციას "სპუტნიკ ოსეტია" ავრცელებს.

როგორც ბიბილოვმა აღნიშნა, ე.წ. ხელუსუფლება ყველაფერს გააკეთებს, რათა დე-ფაქტო რესპუბლიკის საზღვრები იყოს დაცული.

"მთელ პერიმეტრზე განთავსდებიან ჩვენი მესაზღვრეები. ყველაფერს გავაკეთებთ, რომ ქართული მხარის ბლოკ-პოსტი არ დაიდგას. ჩვენი საღვრები ყოველთვის იქნება დაცული. ნურაფრის გეშინიათ, იცხოვრეთ წყნარად და მშვიდად", - მიმართა ბიბილოვმა მოსახლეობას. 

ამასთან, მისივე განცხადებით, ბევრი მოქალაქე ქართული საგუშაგოს დემონტაჟის მოთხოვნით გამოდის, თუმცა ბიბილოვის თქმით, ეეს ომის დაწყების ტოლფასი იქნება. მანვე დასძინა, რომ უმჯობესია საკითხი დიპლომატიური გზით მოგვარდეს. 

"სხვა გზა არ გვაქვს. ჩვენს ტერიტორიაზე არც ქართული ჯარი და არც ქართული პოლიცია არ უნდა იდგეს. ჩვენს მოქალაქეებს დავიცავთ, ამისთვის ყველა რესურსი გაგვაჩნია", - განაცხადა ე.წ. პრეზიდენტმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა