გერმანიაში, ქალაქ ფრანკფურტის აეროპორტში საქართველოს მოქალაქე დააკავეს, რომელსაც საზღვარზე 12 ჩემოდანი სიგარეტი გადაჰქონდა, - ამის შესახებ fnp.de იუწყება. 

მედია საშუალების ინფორმაციით, საქართველოს მოქალაქე გერმანიაში საბრძნეთის დედაქალაქ ათენიდან ჩავიდა. 33 წლის მამაკაცის ბარგის შემოწმებისას, ჩემოდნებში, ჯამში, 48 ათასი ღერი სიგარეტი აღმოაჩინეს.  

მედიის ცნობით, საქართველოს მოქალაქის გარდა საქმეში ასევე ფიგურირებენ ბელარუსის, სომხეთის და უკრაინის მოქალაქეებიც, თუმცა მათი დაკავება ამ დრომდე ვერ მოხერხდა. პოლიცია ვარაუდობს, რომ ისინი გააფრთხილეს და მათ კიდევ რამდენიმე ჩემოდანი აეროპორტში დატოვეს, თვითონ კი, ადგილიდან მიიმალნენ. ნაპოვნ ჩემოდნებში კიდევ 230 ათასი ღერი სიგარეტი იყო. 

გამოცემა წერს, რომ საქართველოს მოქალაქის დეპორტაცია თბილისში უკვე განხორციელდა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა