„ნებისმიერი ნაბიჯი, რასაც გადადგამს ივანიშვილი, მიმართულია ერთადერთი მიზნისკენ, დანაშაულებრივი გზით შეინარჩუნოს ძალაუფლება“, - ასე გამოეხმაურა „ნაციონალური მოძრაობის“ ერთ-ერთი ლიდერი, რომან გოცირიძე მოსალოდნელ სამთავრობო ცვლილებებს.

გოცირიძის განცხადებით, ბიძინა ივანიშვილს სჭირდება, როგორც უსიტყვოდ ყველაფრის შემსრულებელი, ასევე ყველაფრის მკადრებელი ადამიანები.

„ნებისმიერი ნაბიჯი, რასაც გადადგამს ივანიშვილი, მიმართულია ერთადერთი მიზნისაკენ, ეს არის დანაშაულებრივი გზით ძალაუფლების შენარჩუნება და ამას შემდგომ მოსდევს მანიპულაციები, რეპრესიები პოლიტიკური პარტიების მიმართ, ადამიანის დაპატიმრებები, მედიასაშუალებების დახურვა და არ არის გამოიცხული ამ კონტექსტში რაღაც სამთავრობო გადაჯგუფებები იყოს და ვიღაც „პაიკი“ მოიყვანოს, რომელიც უფრო მეტად „იპაიკებს“, ვიდრე დღევანდელები. ამიტომ არ არის გამორიცხული რომ წინასაარჩევნოდ მათ დასჭირდეთ ყველაფრის მკადრებლები და ყველაფერზე წამსვლელი ადამიანები. თუ დღევანდელი მთავრობა უუნაროა და ივანიშვილის დავალებების უსიტყვოდ შემსრულებელი, მათ მომავალში ალბათ დასჭირდებათ, როგორც უსიტყვო შემსრულებლები, ასევე აშკარა კანონდარღვევაზე და ძალადობრივი გზით მოსიარულე ადამიანები“, - განაცხადა რომან გოცირიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია