საქართველოს პრეზიდენტი საფრანგეთს ეწვია. სალომე ზურაბიშვილი  28 აგვისტოს ბიზნეს–ლიდერების ფორუმს გახსნის, რომლის ორგანიზატორია  უმსხვილესი ბიზნეს–გაერთიანება MEDEF INTERNATIONAL. ფორუმს საფრანგეთის მსხვილი კომპანიების 700  წარმომადგენელი დაესწრება. მათ შორის ის კომპანიები, რომლებიც  აქტიურად თანამშრომლობენ ქართულ მხარესთან. წინა წლებში, MEDEF-ის ზაფხულის უნივერსიტეტის მონაწილეებს სიტყვით ნიკოლა სარკოზიმ და ემანუელ მაკრონმა მიმართეს.

MEDEF INTERNATIONAL-ი კერძო, სახელმწიფოსგან დამოუკიდებელი ორგანიზაციაა. იგი 800 ათას ფრანგულ საწარმოს აერთიანებს და აღიარებულია საფრანგეთის მთავრობის მნიშვნელოვან პარტნიორად როგორც სოციალურ, ისე ეკონომიკურ მოლაპარაკებებში. ორგანიზაცია 1989 წელს დაფუძნდა ფრანგული კომპანიების საზღვრებს გარეთ მოღვაწეობის გაფართოების, უშუალოდ სახელმწიფო ლიდერებთან და მსოფლიოს სხვადასხვა ქვეყნის კერძო წარმომადგენლებთან ურთიერთობების დალაგების მიზნით.

სალომე ზურაბიშვილს   ვიზიტის ფარგლებში შეხვედრები აქვს დაგეგმილი საფრანგეთის მთავრობის წევრებთან და ფრანგული კომპანიების წარმომადგენლებთან.

პრეზიდენტთან  ერთად პარიზში დაგეგმილ რამდენიმე ღონისძიებებში მონაწილეობას მიიღებს  სოციალური კამპანია Spend your summer in Georgia - ს ერთ-ერთი ავტორი.   ქეთა გოლეთიანი საქართველოს ტურისტულ პოტენციალზე ფრანგ მეწარმეებს გააცნობს ინფორმაციას. ასევე დაგეგმილია შეხვედრა ახალგაზრდებთან,  პრეზიდენტის ინიციატივაა ქართველმა სტუდენტებმა საკუთარ უნივერსიტეტებში შექმნან საინფორმაციო ბაზა,  რომელიც უცხოელ სტუდენტებს საქართველოს ტურისტულ პოტენციალს გააცნობს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია