დაავადებათა კონტროლის ეროვნული ცენტრის გენერალურმა დირექტორმა, ამირან გამყრელიძემ, საქართველოში მოსალოდნელი ცხელი ამინდების გამო რეკომენდაციები გასცა.

გამყრელიძის თქმით, ასეთ ამინდებში განსაკუთრებით მოწყვლად ჯგუფს მცირეწლოვანი ბავშვები, 75 წელს გადაცილებული და ქრონიკული დაავადებების მქონე პირები მიეკუთვნებიან.

„ვიყოთ სიგრილეში ამ დროს, თავი მოვარიდოთ სიცხეს, არ ვიაროთ მაღალი ტემპერატურის დროს გარეთ, თუ ეს განსაკუთრებულ აუცილებლობას არ წარმოადგენს. თუ ეს აუცილებლობაა, დაფარული გვქონდეს ტანის და, განსაკუთრებით, თავის ნაწილი ღია ფერის ტანსაცმლით. სისტემატურად მივიღოთ დიდი რაოდენობით სითხე და ვეცადოთ, რომ ხშირად გავგრილდეთ, ანუ, მივიღოთ შხაპი რაც შეიძლება ხშირად“, - განაცხადა ამირან გამყრელიძემ.

დაავადების კონტროლის ეროვნული ცენტრის რეკომენდაციით, დღის განმავლობაში ოთახში ტემპერატურა 32-ს, ხოლო ღამით - 24 გრადუსს არ უნდა აღემატებოდეს.

ავტორი: ექსპრესნიუსი,

სოციალური ქსელები

კობახიძე: როდესაც რჩება დისბალანსი ეკონომიკებს შორის, მოქალაქეები მიდიან, ამას უწყობს ხელს ვიზალიბერალიზაცია

თბილისში 500 Global in Eurasia-ს მეათე ნაკადის დასკვნითი ღონისძიება, დემო დღე გაიმართა

PASHA Bank-ის IPO აზერბაიჯანში - თიბისი კაპიტალი ტრანზაქციის ექსკლუზიური ფინანსური მრჩეველი იყო

სტრასბურგის სასამართლომ ე.წ. FARA-ს და გრანტების კანონზე კომუნიკაციის ეტაპი დაიწყო