FAO-მ „მწვანე ბანაკში“ ცხოველთა იდენტიფიკაცია-რეგისტრაციაზე საჯარო ლექციები ჩაატარა

2019-08-21 15:41:00, 1081 ნახვა

საზოგადოება

გაეროს სურსათისა და სოფლის მეურნეობის ორგანიზაციამ (FAO) კავკასიის გარემოსდაცვითმა ქსელის (CENN) ბულაჩაურის „მწვანე ბანაკში“, ცხოველთა იდენტიფიკაცია-რეგისტრაციისა (NAITS) და სურსათის უვნებლობის შესახებ საინფორმაციო შეხვედრები გამართა.

VIII-XII კლასის მოსწავლეებს, რომელებიც მთელი ქვეყნის მასშტაბით შეირჩნენ, საშუალება მიეცათ გაცნობოდნენ, ცხოველთა-იდენტიფიკაციისა და ვაქცინაციის რეგისტრაციის პროგრამას, რომელსაც სურსათის ეროვნული სააგენტო (სეს) 2012 წლიდან ნერგავს.

ინტერაქტიული ლექციის ფარგლებში, განხილული იქნა ისეთი თემები როგორიცაა: ცხოველთა იდენტიფიკაციისა და ვაქცინაციის საჭიროება, მიკვლევადობა, სურსათის უვნებლობის ჯაჭვი ფერმიდან - ჩანგლამდე, ზოონოზური დაავადებები, ჯილეხი, ბრუცელოზი და ტუბერკულიოზი, მათი აღმოჩნა და პრევენცია. ლექციის მონაწილეები ასევე გაეცნენ ინფორმაციას იმასთან დაკავშირებით, თუ როგორ ზეგავლენას ახდენს გარემო სურსათის უვნებლობაზე. მოსწავლეებს, ასევე, საშუალება მიეცათ დასწრებოდნენ იდენტიფიკაცია-რეგისტრაციისა და ვაქცინაციის პროცესს და ენახათ ვეტერინართა საველე სამუშაოები.

კავკასიის გარემოსდაცვითი ქსელი (CENN) უკვე თითქმის 10 წელია ახორციელებს გარემოსდაცვითი განათლების პროგრამას „მწვანე ბანაკი“, რომლის მიზანია გარემოს დაცვის, მდგრადი განვითარების, მეცნიერებისა და ტექნოლოგიების შესახებ ცოდნაზე ხელმისაწვდომობის გაუმჯობესებასა და ახალი შესაძლებლობების შექმნას ახალგაზრდების განვითარებისათვის. 10 წლის მანძილზე 5000-ზე მეტ მოსწავლეს მიეცა საშუალება გამხდარიყო ამ პროგრამის ნაწილი. ბანაკის მონაწილეები ირჩევიან კონკურსის საფუძველზე.

FAO-მ ლექციები, „New World Program-ის“ მხარდაჭერით მიმდინარე პროექტების „წყალი სიღარიბის აღმოსაფხვრელად“ და „საქართველოს WaSH (წყალი, სანიტარია და ჰიგიენა) სათემო ინიციატივა” ფარგლებში ჩაატარა.

(NS)

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,