ყირგიზეთის ეროვნული უშიშროების სახელმწიფო კომიტეტის ხელმძღვანელმა ორობედ ოპუმბაევმა ყოფილი პრეზიდენტი ალმაზბეკ ატამბაევი სახელმწიფო გადატრიალების მომზადებაში დაადანაშაულა, -  ამის შესახებ ინფორმაციას „რია ნოვოსტი“ ავრცელებს.

ოპუმბაევმა პრესკონფერენციაზე განაცხადა, რომ ექსპრეზიდენტი სახელმწიფო გადატრიალებისთვის ემზადებოდა და მის რეზიდენციაზე შტურმი სწორედ მის გაუვნებელყოფას ემსახურებოდა.  მისი თქმით, ატამბაევის  სახლში  იარაღის მარაგი აღმოაჩინეს,  მათ შორის  სნაიპერული თოფი და  პისტოლეტები, ხოლო  სახლის მესამე სართული გამაგრებული იყო, როგორც სამხედრო ბუნკერი.

ოპუმბაევმა ატამბაევი სპეცრაზმელების გამიზნულად დახოცვაშიც დაადანაშაულა.

თავის მხრივ, ატამბაევმა დაკითხვაზე აღიარა, რომ შტურმის დროს იარაღი გამოიყენა.

შეგახსენებთ, რომ 7-8 აგვისტოს ყირგიზეთის ყოფილი პრეზიდენტის, ალმაზბეკ ატამბაევის დასაკავებლად ჩატარებული  სპეცოპერაციის შემდეგ ექსპრეზიდენტი დააკავეს. სპეცოპერაციის დროს, პოლიციასა და ატამბაევის მომხრეების შეტაკების შედეგად  52 ადამიანი დაშავდა, ერთ-ერთი სპეცრაზმელი კი, გარდაიცვალა. იქამდე, ყირგიზეთის პარლამენტმა 20 ივნისს ქვეყნის პროკურატურას ექსპრეზიდენტის წინააღმდეგ ბრალდებების ნუსხა გადასცა, რომელთა შორის, ატამბაევს კორუფციაშიც სდებენ ბრალს. ატამბაევმა პარლამენტის ბრალდებებს აბსურდული უწოდა.

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა