2019-07-24 12:47:15, 5930 ნახვა
მსოფლიო
FBI-ის ხელმძღვანელი: რუსეთი აშშ-ს არჩევნებში ჩარევას განაგრძობს [ვიდეო]
ამერიკის ფედერალური საგამოძიებო ბიუროს ხელმძღვანელი კრისტოფერ რეი აცხადებს, რომ რუსეთი აშშ-ის არჩევნებში ჩარევას განაგრძობს, - ამის შესახებ PBS NEWS იუწყება.
შესაბამისი განცხადება FBI-ის ხელმძღვანელმა სენატის იურიდიულ კომიტეტზე სიტყვით გამოსვლისას განაცხადა.
როგორც რეიმ აღნიშნა, სანქციებისა და მოსკოვის შესაჩერებლად განხორციელებული სხვა ქმედებების მიუხედავად, რუსეთი ამერიკის არჩევნებში ჩარევას მომავალშიც გეგმავს.
"სანამ არ შევაჩერებთ, იქამდე გააგრძელებენ", - დასძინა მან.
რეის განცხადებით, FBI-ის გარე ზეგავლენასთან საბრძოლველად მნიშვნელოვანი რესურსები აქვთ.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
