მივესალმებით პროკურატურის მხრიდან საჯაროობას - ხაზარაძე-ჯაფარაძის საქმეს უნდა იქნეს ბოლომდე ამოწურული, - ასე გამოეხმაურა პარლამენტის თავმჯდომარე არჩილ თალაკვაძე „თიბისი ბანკის“ დამფუძნებლების მამუკა ხაზარაძისა და ბადრი ჯაფარიძის მიმართ, გენერალური პროკურატურის მხრიდან ბრალის წარდგენის მიზნით უწყებაში დაბარებას.

როგორ თალაკვაძემ აღნიშნა, ხაზარაძის პოლიტიკური გეგმების დაანოსებას, უკანონო შემოსავლების ლეგალიზაციაზე გამოძიების დაწყება, დროში წინ უსწრებდა 

„ერთი რამ მინდა ცალსახად გითხრა,  რომ ამ საქმეს, რომელსაც პარლამენტი ყურადღებით ადევნებს თვალს და არაერთი დისკუსია იყო ამაზე დაკავშირებით, რა თქმა უნდა ჩვენ ბოლომდე ყურადღებით მივადევნებთ თვალს, რომ როგორც მხარეების ინტერესები, ასევე თავად ბატონების უფლებები იყოს დაცული. ასევე ყურადღებით მივადევნებთ თვალს, რომ საზოგადოება იყოს ინფორმირებული ამ საქმესთან დაკავშირებით და ყველა კითხვა თუ პოზიცია, რომელიც საქმესთან დაკავშირებით გაჟღერდა იყოს ცნობილი. მე ვფიქრობ, რომ მთავარი საქმე ამოწუროს. ეს იქნება, როგორც სახელმწიფოსთვის, ასევე ჯაფარიძისა და ხაზარაძისთვის ძალიან მნიშვნელოვანი.

შესაძლოა მან დაანონსა გარკვეული პოლიტიკური გეგმები ერთი კვირის წინ, მაგრამ ეს საქმე ინიცირებული იყო გაცილებით ადრე, უკვე თვეების განმავლობაში ჩვენ ვადევნებთ თვალს საჯარო განხილვებს ამ თემაზე და შესაბამისად, ეს დროში წინ უსწრებდა ნამდვილად პოლიტიკური გეგმების შესახებ გაკეთებულ განცხადებებს. ამიტომაც მივესალმებით პროკურატურის მხრიდან საჯაროობას “, - აღნიშნა პარლამენტის თავმჯდომარემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია