საპარლამენტო უმრავლესობის ლიდერი გია ვოლსკი მიიჩნევს, რომ დეპუტატ ეკა ბესელიას  პირადი ცხოვრების ამსახველი კადრების გავრცელებამ  უფრო მეტად საზოგადოების პოზიტიური განწყობა მოუპოვა, ვიდრე დააზარალა.

როგორც ვოლსკიმ აღნიშნა ბესელიას მიმართ მორალური დივერსია „ნაციონალურმა მოძრაობამ“ განახორციელა.

„ნაცმოძრაობა“ საერთოდ არის, „მაოხრებელი გზირი“. მორალური დივერსია ეკა ბესელიას წინააღმდეგ განახორციელეს იმათმა, ვინც ჩაიწერა ეს 2012 წლის მაისში და ეს მანაც კარგად იცის. თუ ეკა ბესელია თვლის, რომ ამ კადრებმა თვითონ მეტად დააზიანა, მე არ ვთვლი. თვითონ უფრო მეტი პოზიტიური განწყობა მიიღო საზოგადოებისაგან, ვიდრე ეს გუშინ და გუშინწინ ჰქონდა. მით უმეტეს, თუ ეგეთი ბრალდებებით, ცრუპენტელობით და ტყუილებით სახელმწიფოს მიმართ არის სერიოზული სტრატეგიული ომი „ნაციონალური მოძრაობის“ მხრიდან. თუ მაია ცქიტიშვილი ამბობს დამღლელია, მე სხვა სიტყვით ვიტყვი, რომ არ არის საჭირო. ეს ბევრ ადამიანს აყენებს კიდევ ტკივილს, მათ შორის, მისი ოჯახის წევრებს. საზოგადოების განწყობა მის მიმართ, ამ ასპექტში, რასაც ქვია მორალური მხარდაჭერა, ისევე როგორც ნებისმიერი ადამიანის, არ არის ორაზროვანი. მით უმეტეს თუ დაიჭირეს, მით უმეტეს, თუ ბევრია დაკავებული გავრცელებისათვის და მითუმეტეს ძალიან კარგად იცის ქალბატონმა ეკამ ვის აწყობს ეს. მაოხრებელი გზირი უნდა დავარქვათ იმ ძალას, რომელიც ამას იღებდა და რომელიც დღეს ამას აწყობს იმისათვის, რათა ასეთი დამაზიანებელი განცხადებები კეთდებოდეს ხელისუფლების მისამართით“, - განაცხადა გია ვოლსკიმ „TV პირველთან“ საუბრისას.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა