2019-07-22 10:10:13, 1501 ნახვა
საზოგადოება
ანტისაოკუპაციო აქცია დღეიდან განსხვავებული ფორმატით გაგრძელდება
რუსთაველის გამზირზე, პარლამენტის წინ მიმდინარე ანტისაოკუპაციო აქცია „სირცხვილია“ დღეიდან განსხვავებული ფორმატით გაგრძელდება.
როგორც აქციის ორგანიზატორები აცხადებენ, ისინი საზოგადოებას პარლამენტის მიმდებარე ტერიტორიიდან ონლაინ-გადაცემებს შესთავაზებენ.
„ის ადამიანები, რომლებიც ვერ მოდიან ჩვენთან, ჩვენ მივალთ მათთან ტელეგადაცემით და როგორც დავპირდით ჩვენ ადამაინებს, სანამ არ გადადგება გიორგი გახარია, მიადგება პოლიტიკური ზიანი მმართველ პარტიას“, - აღნიშნა აქციის ერთ-ერთმა ორგანიზატორმა, შოთა დიღმელაშვილმა.
შეგახსენებთ, რომ გუშინ აქციაზე „ფლი მარკეტი“ გაიმართა, სადაც 40-მდე სტარტაპერმა გასაყიდად საკუთარი პროდუქცია წარადგინა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
