„სტრასბურგის სასამართლოს გადაწყვეტილება კიდევ ერთი დასტურია, რომ „ნაციონალური მოძრაობის“ და მიხეილ სააკაშვილის რეჟიმის დროს, არ გვქონდა სამართლებრივი სახელმწიფო, ადგილი ჰქონდა მკვლელობას, წამებას და საკუთრების ხელყოფას“, - ამის შესახებ პრემიერ-მინისტრმა მამუკა ბახტაძემ ტელეკომპანია „რუსთავი 2“-ის საქმეზე საუბრისას განაცხადა.

როგორც მან აღნიშნა, გუშინ საზოგადოებამ იხილა, როგორ ცდილობს ენმ, ჩირქი მოსცხოს იმ მთავარ ფასეულობებს, რომელსაც ევროპული დემოკრატია ეფუძნება.

„რუსთავი 2“-ის საქმეზე, არცერთ ეპიზოდში სტრასბურგის სასამართლომ დარღვევა არ დაადგინა. ამასთან ერთად, გუშინდელი დღე იყო კიდევ ერთი გამოხატულება იმისა, რომ საქმე გვაქვს ფსევდო-დემოკრატიულ ძალებთან, რომლებიც წლების განმავლობაში ამტკიცებენ, რომ მათი მთავარი მიზანი გახლავთ საქართველოს ევროპული გზა და ეს კიდევ ერთხელ აღმოჩნდა, რომ არის ფარსი. ჩვენ კიდევ ერთხელ ვიხილეთ, როგორ ცდილობს „ნაციონალური მოძრაობა“, ჩირქი მოსცხოს იმ მთავარ პრინციპებს და ფასეულობებს, რომელსაც ეფუძნება ევროპული დემოკრატია. აქედან გამომდინარე, კიდევ ერთხელ მსურს, ყველა იმ ძალას, ვისთვისაც მნიშვნელოვანია ჩვენი ევროპული არჩევანი, რომ საქართველოში იყოს მყარი ევროპული სამართლებრივი სისტემა, დააფიქსიროს თავისი პოზიცია ამ საკითხზე. ადგილი აქვს შეტევას ჩვენს ევროპულ მისწრაფებაზე და იმ პრინციპების დაზიანებაზე, რომელსაც ეფუძნება ევროპული დემოკრატია და ის ფასეულობები, რომლითაც უნდა ავაშენოთ ჩვენი სამშობლო“, - განაცხადა პრემიერმა.

ამასთან, ჟურნალისტის კითხვას, ზეიმობს თუ არა ნიკა გვარამიას ტელეკომპანია „რუსთავი 2“-ის გენერალური დირექტორის პოსტიდან გათავისუფლებას, პრემიერმა ასე უპასუხა: „ჩვენ ვზეიმობთ ქართველი სპორტსმენების გამარჯვებას, ხელოვანების წარმატებას და მთელი ერი ვიზეიმებთ ერთად როდესაც დავამარცხებთ ორ ყველაზე მტკივნეულ გამოწვევას - ოკუპაციას და სიღარიბეს“.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა