588 დღე და 4 საათი დარჩა შერვაშიძის ქუჩაზე ორი 16-სართულიანი კორპუსი მშენებლობის დასრულებამდე, სადაც საცხოვრებელ ბინას 160 დევნილი ოჯახი მიიღებს, ეტაპობრივად კი, 25 თექვსმეტსართულიანი კორპუსი აშენდება. პრემიერ-მინისტრმა ირაკლი ღარიბაშვილმა, დევნილთა და განსახლების მინისტრთან ერთად,  დღეს ქუთაისში, შერვაშიძის ქუჩაზე, დევნილი ოჯახების განსახლების მიზნით, მასშტაბური მშენებლობის დაწყებას ჩაუყარა საფუძველი.

„დღეს საფუძველი ჩაეყარა 25 თექვსმეტსართულიანი კორპუსის მშენებლობას, რომელიც მთლიანად დევნილებს გადაეცემათ. ეს არის დიდი საქმე და მინდა მადლობა გადავუხადო ყველას, ვინც ჩართული იყო აღნიშნული პროექტის განხორციელებაში. მალე 2000 ოჯახს გავაბედნიერებთ. დევნილებს სჭირდებათ ნორმალური საცხოვრებელი პირობები  და ბინები მათ საკუთრებაში გადაეცემათ. ეს არის სახელმწიფოს ვალდებულება, რომ ყველა  დევნილმა იცხოვროს ადამიანურ პირობებში,“-განაცხადა მთავრობის მეთაურმა სამშენებლო ობიექტზე ყოფნისას.
შერვაშიძის ქუჩაზე  25 თექვსმეტსართულიანი კორპუსი აშენდება, სადაც საცხოვრებელ ფართს 2000-მდე  ოჯახი მიიღებს.  საწყის ეტაპზე კი შენდება ორი 16-სართულიანი კორპუსი.

მშენებლობის ადგილას დამონტაჟებულია  ვიდეო კამერა.  ყველა დაინტერესებულ პირს და მათ შორის თავად დევნილებს, შესაძლებლობა აქვთ, ნებისმიერ დროს ინტერნეტით ადევნონ თვალი სამშენებლო სამუშაოების მიმდინარეობას. შერვაშიძის ქუჩაზე ასევე განთავსებულია საათი, რომელზეც ნაჩვენებია მშენებლობის დასრულებამდე დარჩენილი დღეების რაოდენობა

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს