20 ივნისის მოვლენების შემდეგ დავინახეთ, როგორ შეიძლება, რომ უპასუხისმგებლო პოლიტიკოსებმა გაუაზრებელი გამონათქვამებით კითხვის ნიშნის ქვეშ დააყენონ მთლიანად ეკონომიკის განვითარება“, - ამის შესახებ ეკონომიკისა და მდგრადი განვითარების მინისტრმა ნათია თურნავამ განაცხადა.

ეკონომიკის მინისტრმა ისაუბრა იმ გავლენაზე, რაც 20 ივნისის მოვლენებმა იქონია ეკონომიკაზე და აღნიშნა, რომ მთავრობის მიერ ყველაფერი კეთდება, რომ ვითარების ნორმალიზება მოხდეს.

„ჩვენ დავინახეთ 20 ივნისის მოვლენების შემდეგ, როგორ შეიძლება, რომ უპასუხისმგებლო პოლიტიკოსებმა თავისი გაუაზრებელი გამონათქვამებით კითხვის ნიშნის ქვეშ დააყენონ არა მარტო მთელი დარგის, არამედ მთლიანად, ეკონომიკის განვითარება. ჩვენ ყველაფერს ვაკეთებთ იმისთვის, რომ ამ მოვლენების შედეგები დანორმალიზდეს, დასტაბილურდეს ვითარება და ესკალაცია არ პოვოს, მაგრამ თუკი მოვლენები წავიდოდა ისე, როგორც ზოგიერთ პოლიტიკურ ძალას სურდა, კერძოდ, რევოლუციური, დესტრუქციული გზით, ეს ეკონომიკას ძალიან სერიოზულად დაარტყამდა, ასევე ძალიან ბევრი რამ, ჩვენი ქვეყნის მშვიდობიანი განვითარება დადგებოდა კითხვის ნიშნის ქვეშ და უკან დაგვხევდა წლებით. ზოგიერთი პოლიტიკური ძალა და პოლიტიკოსი საკუთარ განცხადებებზე არ აგებს პასუხს და არ აანალიზებს საკუთარი განცხადებების შედეგებს, ან ვიღაც ძალიან კარგადაც აანალიზებს. მაგრამ, ჩვენ ვართ პასუხისმგებლიანი მთავრობა. ამ ბოლო დროს იყო მცდელობა, ესეც მოვისმინეთ სხვადასხვა პოლიტიკოსის თუ მედიასაშუალებისგან, რომ შეელამაზებინათ ვითარება, თითქოს რა მოხდა, 2-3 თვეში ჩავანაცვლებთ ჩვენ რუს ტურისტს (1 მილიონ რუს ტურისტზეა საუბარი წლის ბოლომდე), ჩავანაცვლებთ რუსულ ბაზარს იგივე, მეღვინეებისთვის და მარტივად გადავერთვებით. თუკი ვინმე მუშაობს იმ თვალსაზრისით, რომ მეტი არჩევანი ჰქონდეს ქართველ გლეხს, ქართველ მეღვინეს, ტურიზმის დარგის მესვეურს, ეს არის ჩვენი მთავრობა“, - განაცხადა თურნავამ.

(NS)

ავტორი: ექსპრესნიუსი,

სოციალური ქსელები

კალაძე: ელენე ხოშტარიას მინდა, მალე გამოჯანმრთელება ვუსურვო

ევროპარლამენტში გაფართოების საკითხებზე იმსჯელებენ - ევროსკოპის ინფორმაციით, შეხვედრაზე ქართული დელეგაცია არ იქნება

სასამართლომ 4 ოქტომბრის მოვლენებზე ბრალდებული 7 პირი დამნაშავედ ცნო, პატიმრობა მიესაჯათ

„გაიარე მეტი უსაფრთხოდ“ - „თეგეტა მოტორსის“ საგზაო უსაფრთხოების კამპანია სკოლებში