რუსეთის საგარეო საქმეთა მინისტრის მოადგილის გრიგორი კარასინის განცხადებით, ჟენევის მოლაპარაკებების 48-ე რაუნდზე დაძაბული ატმოსფერო იყო, - ამის შესახებ "რია ნოვოსტი" იუწყება.

კარასინის განმარტებით, დაძაბულობის მიზეზი 20-21 ივნისს მომხდარი მოვლენებია. 

"ვიგრძენი, რომ თანათავმჯდომარეები ძალიან ნერვიულობდნენ, რადგან არ იცოდნენ იქნებოდა თუ არა შეხვედრაზე ღია კონფრონტაცია. გამოვთქვით მოსაზრებები და ამის შემდეგ შევთანხმდით, რომ ეს არ იყო დღის წესრიგით გათვალისწინებული. ჩვენ უნდა გავაგრძელოთ ჩვენი საქმე და თემების განხილვა. ეს არის უსაფრთხოება, ჰუმანიტარული ბლოკი, ძალის არგამოყენება და სხვა. ყველა საკითხი განვიხილეთ, მაგრამ ასე გეტყოდით, მთავარი ვერ გადავწყვიტეთ. ეს არის სტატუსი და როდესაც ვუახლოვდებით ამ ძველ თემას, მაშინვე ტემპერატურა იწევა", - განაცხადა კარასინმა. 

გარდა ამისა, რუსი დიპლომატი საქართველოს პრეზიდენტის სალომე ზურაბიშვილის განცხადებასაც გამოეხმაურა, რომლის თანახმადაც ქვეეყანაში სიტუაციის დეესკალაცია რუსეთს აწყობს.

"სალომე ზურაბიშვვილის განცხადება, დემონსტრანტების შეძახილები, ამ ყველაფერს ტელევიზიით აჩვენებდნენ და ამნ თავისი გავლენა იქონია. ზურაბიშვილის განცხადებას ბომბის აფეთქების ეფექტი ჰქონდა. ორმხრივ ურთიერთობებში, მეზობელი ქვეყნის ლიდერმა მსგავსი განცხადებები არ უნდა აკეთოს. უფრო ფრთხილად და მოწიწებით უნდა არჩევდეს რა თქვას", - აღნიშნა კარასინმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

„გაიარე მეტი უსაფრთხოდ“ - „თეგეტა მოტორსის“ საგზაო უსაფრთხოების კამპანია სკოლებში

საქართველოში ვიზიტის შემდეგ, ევროსაბჭოს ადამიანის უფლებათა კომისარი ანგარიშს აქვეყნებს

მოემზადეთ PLUS-ის დაბადების დღისთვის - მიიღეთ 20%-იანი PLUS ქულების ქეშბექი Alta-ში DREAME-ის პროდუქციის შეძენისას

ქალი პოლიტიკოსები რუსთავის ციხესთან შეიკრიბნენ და ელენე ხოშტარიას სოლიდარობა გამოუცხადეს