სახალხო დამცველი ნინო ლომჯარია, რომელმაც 20-21 ივნისის აქციის დაშლის საქმის შესწავლა დაიწყო, აცხადებს, რომ ომბუდსმენის აპარატი განსაკუთრებულად გამოიკვლევს იმ სისტემურ ხარვეზებს, რომელიც შეიძლება შინაგან საქმეთა სამინისტროში არსებობდეს.

ლომჯარია ხაზს უსვამს იმას, რომ თუნდაც ინდივიდუალური პოლიციელების მიერ ჩადენილი დანაშაული მაღალი თანამდებობის პირებს პასუხისმგებლობისგან არ ათავისუფლებს და სისტემაში არსებულ ხარვეზებზე მიუთითებს.

„ჩვენ გვაინტერესებს არა მარტო ინდივიდუალური სამართალდამცავების მხრიდან ჩადენილი გადაცდომები, არამედ სისტემური პრობლემების არსებობა იმასთან დაკავშირებით, თუ როგორ უნდა დაიშალოს აქცია და გაეწიოს წინააღმდეგობა ძალადობრივ ჯგუფებს ისე, რომ პოლიციამ ძალას არ გადაამეტოს. შესაბამისად, ჩვენ დავინტერესდებით იმითაც, თუ რას აკეთებს პროკურატურა იმისათვის, რომ გამოიკვეთოს ხომ არ იყო მათ შორის მაღალი თანამდებობის პირების მხრიდან გაცემული უკანონო ბრძანებები ან რატომ ვერ განხორციელდა სათანადო კონტროლი იმაზე, როგორც იქცეოდნენ იქ ცალკეული პოლიციელები. მიმაჩნია, სამართლებრივი და პოლიტიკური პასუხისმგებლობისგან არ ათავისუფლებს არავის ის გარემოება, რომ მისი თანამშრომლები არღვევდნენ ადამიანის უფლებებს. მითუმეტეს, ისეთ სისტემაში, როგორიც არის შინაგან საქმეთა სამინისტრო, ყველას ჰყავს ზედამხედველი პირი და აქციის დაშლის დროსაც უნდა ყოფილიყო გადაცდომების დროულად აღკვეთა და კონტროლი. მეორე მიმართულება, რაზეც ჩვენ აქტიურად ვიწყებთ მუშაობას არის ის, რომ სისტემურად შევაფასოთ, რამდენად გამართული აქვს შსს-ს შიგნით არსებული რეგულაციები თუ პროცედურები. შეიძლება შეიცვალოს მინისტრები და ეს ბუნებრივია, ყოველთვის იცვლებიან მინისტრები და მომავალშიც შეიცვლებიან, არა მარტო მინისტრები, ხელისუფლებები შეიცვლებიან, მაგრამ მთავარია, რომ ჩვენ გავმართოთ სისტემა იმისთვის, რომ როდესაც მოვა ახალი მინისტრი, გაწერილი იყოს სწორი პროცედურები, რომ თუ მომავალში ხელისუფლებას მოუწევს დაშალოს შეკრება, არ გადაამეტოს ძალას და არ დადგეს ის დრამატული შედეგი, რაც მივიღეთ დარბევის დროს“, - განაცხადა ნინო ლომჯარიამ.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა