2019-07-02 16:57:28, 2129 ნახვა
პოლიტიკა
ჯანდაცვის მინისტრი - გუნდში გახარიას მიმართ კითხვები არ გვაქვს
„გუნდში ვართ ერთიანი და გიორგი გახარიას მიმართ არანაირი კითხვები არ გვაქვს“, - ამის შესახებ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, ეკატერინე ტიკარაძემ ჟურნალისტებს განუცხადა.
როგორც ჯანდაცვის მინისტრმა აღნიშნა, 20-21 ივნისს განვითარებულ მოვლენების დროს შს მინისტრმა სახელმწიფოებრივი მოვალეობა შეასრულა.
„მინდა, კორექტულები ვიყოთ და ის გავითვალისწინოთ, რომ ერთი ორგანო თავის ვალდებულებებს ასრულებს და ამ შემთხვევაში, გიორგი გახარიას ვალდებულება სახელმწიფოებრიობის დაცვა იყო, რაც მან შეასრულა. გუნდში ერთიანნი ვართ და გიორგი გახარიას მიმართ არანაირი კითხვები არ გვაქვს“, - აღნიშნა ჯანდაცვის მინისტრმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
