ციხის კადრების ავტორო და გამავრცელებელი ლადო ბედუკაძე თბილისში მიმდინარე მოვლენებს ეხმაურება და აცხადებს, რომ რუსეთის პრეზიდენტმა ვლადიმერ პუტინმა საქართველოში ტანკები უნდა შემოიყვანეს, ისე როგორც 2008 წელს, - ამის შესახებ ბედუკაძემ "კამსამოლსკაია პრავდასთან" ინტერვიუში განაცხადა. 

როგორც ბედუკაძემ აღნიშნა, რუს დეპუტატებზე თავდასხმა ვაშინგტონის დაკვეთით მოხდა.

"ნუთუ თქვენ ვერ მიხვდით რისთვის იყვნენ აშშ-ის სახელმწიფო დეპარტამენტის წარმომადგენლები ასე საგანგებოდ ჩამოსულები საქართველოში, რუსი დეპუტატების ვიზიტამდე ცოტა ხნით ადრე?!", - მიმართა ბედუკაძემ რუს ჟურნალისტს. 

ინტერვიუს დროს ჟურნალისტი დაინტერესებდა, ემუქრებათ თუ არა საქართველოში რუს ტურისტებს საფრთხე, რაზეც ბედუკაძემ ასე უპასუხა: "რა თქმა უნდა არა, აქ რუსს არავინ მოკიდებს ხელს, თუმცა...პუტინის ადგილას ტანკებს შემოვიყვანდი, როგორც 2008-ში. პუტინი თავის ხალხს იცავს, რუსები ასე უნდა დაიცვას!"

ბედუკაძემ ინტერვიუში განაცხადა, რომ საქართველოს მოსახლეობის 80% რუსეთის მომხრეა, თუმცა ურთიერთობებს ტეტიროული საკითხი უშლის ხელს. 

ის საქართველოს ცენტრალურ საარჩევნო კომისიასაც აკრიტიკებს და აცხადებს, რომ ის არჩევნებზე ხმების გაყალბებით არის დაკავებული. მისივე აზრით, სინამდვილეში მოსახლეობა ხმას, სულ სხვა ადამიანებს აძლევს, ხოლო ხმები სულ სხვა პოლიტიკოსს ეწერება. 

"რუსეთისა და საქართველოს მეგობრობას, ჩვენ მომავალ კავშირს გაუმარჯოს!" - ამბობს ბედუკაძე რუს ჟურნალისტთან საუბრისას. 

გაზეთი წერს, რომ მისი ვიდეოების გამოქვეყნების შემდეგ ბედუკაძე ქვეყნის ყველაზე პრორუსი პოლიტიკოსი გახდა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ფოდოროვი - უკრაინა მიიღებს შორ მანძილზე მოქმედ არტილერიას, ფრთოსან რაკეტებს და დრონების მხარდაჭერას

ევროკავშირის ლიდერები შეთანხმდნენ, რომ რუსეთის წინააღმდეგ სანქციები ორჯერ გაახანგრძლივონ

ბულგარეთის პრორუსულმა პრემიერ-მინისტრმა პირობა დადო, რომ ვეტოს დაადებს ევროკავშირის ახალ სანქციების პაკეტს რუსეთის წინააღმდეგ.

აშშ-ის საზღვაო ძალებმა ირანის საზღვაო ბლოკადა დაასრულეს