"ჩემთვის პირადად ბატონი ნიკას, როგორც კოლეგის პატივისცემა დამთავრდა იმ წუთას როდესაც მან ხელის ერთი გაქნებით წაიყვანა შეიარაღებულ სპეცრაზმზე ახალგაზრდები", - ამის შესახებ ჯანდაცვის კომიტეტის თავმჯდომარემ აკაკი ზოიძემ პლენარულ სხდომაზე სიტყვით გამოსვლის დროს განაცხადა. 

როგორც ზოიძემ აღნიშნა, ნიკა მელიამ მომხდარზე თავისი წილი პასუხისმგებლობა უნდა აიღოს. 

"ძალიან მძიმე გადაწყვეტილებას ვიღებთ დრეს. ჩემთვის ეს მძიმე გადაწყვეტილება არის პირველ რიგში იმის გამო, რომ ასეთი გადაწყვეტილება აზიანებს პარლამენტარიზმის გავითარებას ამ ქვეყანაში და იმ სტანდარტებს, რომელიც პარლამენტის დამოუკიდებლობას უნდა ეხებოდეს. ყველა უნდა იყოს კანონის წინაშე თანასწორი, მიუხედავად მისი სტატუსისა. ჩემთვის პირადად ბატონი ნიკას, როგორც კოლეგის პატივისცემა დამთავრდა იმ წუთას როდესაც მან ხელის ერთი გაქნებით წაიყვანა შეიარაღებულ სპეცრაზმზე ის ახალგაზრდები, რომლებიც ალალად მოვიდნენ აქ და მშვიდობიან დემონსტრაციას ატარებდნენ. კარგად იცოდა რა შედეგები შეიძლება მოყოლოდა მაგ ყველაფერს. კარგად იცოდა მისი განათლების მქონე ადამიანმა, უშიშროების აკადემიაში რასაც ასწავლიან. მაგრამ ძალაუფლების დაუოკებელი ჟინით, შეპყრობილი მისი პატრონი, რომელიც იქიდან ბრძანებებს იძლეოდა და ის პოლიტიკური ძალა, რომელსაც ის წარმოადგენს არაფერი წინ არ დაგიდგებათ, არც გვამები, არც დასახიჩრებული ადამიანები. ამიტომაც, ბატონო ნიკა, მე ფართოდ გახელილი თვალებით გაგისწორებთ მზერას, მაგრამ მზერას ვერ გავუსწორე მაიკო გომურს, იმიტომ, რომ ჩემს წილ პასუხისმგებლობას ვგრძნობ. ვრგძნობ პასუხისმგებლობას, რომელ პირველ რიგში აქ იჯდა გავრილოვი, რომ თქვენ ამ ქვეყნის პოლიტიკური ცხოვრებით ვერ ამოგაშორეთ, და ის რომ ჩვენ ის მივიღეთ რაც დღეს მივიღეთ. მთელი ცხოვრება გამყვება ეს დანაშაული. ძალიან გთხოვთ, ნუ გვაცოდებთ თავს. თქვენ დაგვიჭერდით, დაგვხვრიტავდით და გვაწამებდით. ვიღაცამ უნდა აიღოს პასუხისმგებლობა და ამ პასუხისმგებლობის აღება უნდა ვისწავლოთ. 9 წელი აწამებდით ქვეყანას და თქვენმა პოლიტიკურმა ძალამ ერთი ბოდიში არ მოიხადა. პასუხი უნდა აგოთ", - განაცხადა აკაკი ზოიძემ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა