„პატრიოტთა ალიანსის“ წევრის ემზარ კვიციანის განცხადებით, მისთვის გაუგებარია რატომ არის საჭირო „ნაციონალური მოძრაობის“ წევრის ნიკა მელიას დაპატიმრება.

კვიციანმა პროკურატურის წარმომადგენელს მიმართა, თუ არის შესაძლებელი რომ დეპუტატებს, ვისაც სურვილი აქვთ მელიას ჩაუდგნენ თავდებში?!

„ჩვენ 21-ში ვიხილეთ ძალიან ბევრი ადამიანი, რომლებიც ამბობდნენ ასეთ ფრაზას: „ივანიშვილს ხელიდან უნდა წავგლიჯოთ ხელისუფლება“, გახსოვთ ალბათ ამ ფრაზის ავტორი, ქვეყნის გამყიდველი, ბატონი ირაკლი ოქრუაშვილი, რომელსაც არ სჭირდება არც იმუნიტეტის ჩამორთმევა და არც არაფერი. რატომ არ არის დაკითხული?!

რაც შეეხება, ნიკანორ მელიას, უკვე აღძრულია სისხლის სამართლის საქმე მაგაზე, გირაოთია გამოშვებული და არ გაქცეულა არსად. დღესაც აგერ მოვიდა,  ზის და უყურებს ამ ყველაფერს. ანუ ყველანაირი საფუძველი არსებობს იმისა, რომ არ გაიქცევა და რატომ არის აუცილებელი, რომ მაგისი პატიმრობაში ყოფნა, ეგ მაინტერესებს ძალიან. თუ არის საშუალება იმისი, რომ დეპუტატები, ვისაც სურვილი ექნება თავდებში ჩაუდგეს ნიკანორ მელიას?! ან შიდა პატიმრობა იყოს. მიუხედავად იმისა, რომ სხვადასხვა პოლიტიკური მიმართულებები გვაქვს, ის არის ჩვენი კოლეგა და ეს ისტორიაში ჩაიწერება, რომ მე-9 მოწვევის პარლამენტარებმა თავიანთი კოლეგა გაწირეს. რადგანაც მივიღეთ და დასვით აქ, ახლა კეთილი ინებეთ და კოლეგიალობა დავიცვათ.  57 ათასი გამოუძიებელი საქმე გაქვთ პროკურატურაში“, - აღნიშნა ემზარ კვიციანმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ფოდოროვი - უკრაინა მიიღებს შორ მანძილზე მოქმედ არტილერიას, ფრთოსან რაკეტებს და დრონების მხარდაჭერას

ევროკავშირის ლიდერები შეთანხმდნენ, რომ რუსეთის წინააღმდეგ სანქციები ორჯერ გაახანგრძლივონ

ბულგარეთის პრორუსულმა პრემიერ-მინისტრმა პირობა დადო, რომ ვეტოს დაადებს ევროკავშირის ახალ სანქციების პაკეტს რუსეთის წინააღმდეგ.

აშშ-ის საზღვაო ძალებმა ირანის საზღვაო ბლოკადა დაასრულეს