„არ ვიღებთ გადაწყვეტილებას პოლიტიკური ნიშნით, კოლეგის მიმართ დამოკიდებულება მგრძნობიარეა“, - ამის შესახებ საპარლამენტო უმრავლესობის ერთ-ერთმა წევრმა, ირაკლი სესიაშვილმა „ნაციონალური მოძრაობის“ წევრის, ნიკა მელიასთვის  სადეპუტატო იმუნიტეტის შეწყვეტის შესახებ საუბრისას განაცხადა.

სესიაშვილის განმარტებით, გადაწყვეტილება იმის მიხედვით მიიღება, თუ რა სარწმუნო არგუმენტებს წარმოადგენს პროკურატურა.

„ასე მარტივად არ დგას საკითხი, ჩვენ არ ვიღებთ გადაწყვეტილებას პოლიტიკური ნიშნით. რაც მოხდა მძიმე ფაქტი ყველამ ვიხილეთ, კოლეგის მიმართ დამოკიდებულება მგრძნობიარეა, ჩვენთვის მნიშვნელოვანია ის მტკიცებულებები, რომელიც გააჩნია პროკურატურას“, - განუცხადა სესიაშვილმა „რუსთავი 2“-ს.

იურიდიულ საკითხთა და საპროცედურო კომიტეტების გაერთიანებულ სხდომა ხმაურის ფონზე მიმდინარეობს. კომიტეტზე ნიკა მელიასთვის სადეპუტატო მანდატის შეჩერების საკითხზე მსჯელობენ.

შეგახსენებთ, რომ პროკურატურა ნიკა მელიას  ბრალს საზოგადოებრივი წესრიგისა და უშიშროების წინააღმდეგ მიმართული დანაშაულის ჩადენაში სდებს. გენერალური პროკურორის პარლამენტისადმი გაგზავნილ მიმართვაში ნათქვამია, რომ მან შესძლო დაეყოლიებინა მშვიდობიანი მომიტინგეები სამართლადამცავებზე ძალადობრივ თავდასხმაში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აშშ-ის საზღვაო ძალებმა ირანის საზღვაო ბლოკადა დაასრულეს

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა