2019-06-23 21:07:48, 1308 ნახვა
პოლიტიკა
R2 - ბიძინა ივანიშვილის ბიზნესცენტრში სპეცრაზმი შეიყვანეს
ტელეკომპანია რუსთავი 2-ის ცნობით, ქართული ოცნების ლიდერისა და ექსპრემიერის, ბიძინა ივანიშვილის ბიზნესცენტრში სპეცრაზმი შეიყვანეს.
ადგილზე მყოფი ძალოვანი უწყების წარმომადგენლები არ ამბობენ, რატომ იმყოფებიან ბიძინა ივანიშვილის სასახლესთან და კითხვაზე, რატომ არის საპოლიციო ძალების ასეთი მობილიზება ტერიტორიაზე, სამართალდამცველები ჟურნალისტს პრესსამსახურთან ამისამართებს.
„გიდასტურებთ, რომ პოლიციაა. ჩვენ მზადყოფნაში ვართ ყოველთვის, სადაც დაირღვევა და იქნება ამის მცდელობა, შევეცდებით, რომ დავარეგულიროთ სიტუაცია. იქ, სადაც ამის საფრთხე იქნება, იქ დავიცავთ საზოგადოებრივ წესრიგს. არ აქვს მნიშვნელობა, ეს სად იქნება,“ - ამბობს ერთ-ერთი სამართალდამცველი.
ავტორი: ექსპრესნიუსი,
epn.ge (@expressnews.ge)
