2019-06-21 17:23:42, 1106 ნახვა
პოლიტიკა
ნადირაშვილი: კობახიძის გადადგომა დაგვიანებული და არაადეკვატურია, მასსა და თალაკვაძეს შორის განსხვავება არაა
„ჩემთვის არანაირი განსხვავება არ არის თალაკვაძესა და კობახიძეს შორის“, - ამის შესახებ „ევროპული საქართველოს“ წევრმა, ირმა ნადირაშვილმა განაცხადა.
მისი შეფასებით, ირაკლი კობახიძის გადადგომა დაგვიანებული და არაადეკვატურია.
„ჩემთვის არანაირი განსხვავება არ არის თალაკვაძესა და კობახიძეს შორის. ისინი ნამდვილად არცერთი არ არის დამოუკიდებელი ფიგურა, ისინი ასრულებენ ბიძინა ივანიშვილის ნებას, როგორი უკანონოც არ უნდა იყოს და ჩვენ ვნახეთ გუშინდელ ღამეს. გუშინ უნდა დამდგარიყო პოლიტიკური პასუხისმგებლობის საკითხი კობახიძის, დღეს ეს დაგვიანებული და არაადეკვატურია. გუშინდელ გავრილოვის ღამის შემდეგ შს მინისტრი, ბატონი გახარია ვერ დარჩება თავის თანამდებობაზე და შემდგომი მოთხოვნა პროპორციული არჩევნებია“, - განაცხადა ირმა ნადირაშვილმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
