2019-06-21 13:44:34, 1243 ნახვა
პოლიტიკა
რუსი დეპუტატი: თბილისმა კრემლს ოფიციალური ბოდიში უნდა მოუხადოს
"თბილისმა რუსეთს ოფიციალური ბოდიში უნდა მოუხადოს მართლმადიდებლურ საპარლამენტთაშორისო ასამბლეაში მონაწილე რუსი დელეგატების წინააღმდეგ მიმართული პროვოკაციების გამო", - ამის შესახებ რუსეთის საბჭოს საერთაშორისო საქმეთა კომიტეტის თავმჯდომარის მოადგილემ ვლადიმირ ჯაბაროვმა განაცხადა.
ინფორმაციას "რია ნოვოსტი" ავრცელებს.
"საქართველომ რუსეთს ოფიციალური ბოდიში უნდა მოუხადოს, ჩვენი დეპუტატების წინააღმდეგ მოწყობილი პროვოკაციის გამო. აქციების პერიოდში თავი უნდა შეიკავონ ნებისმიერი საერთაშორისო ღონისძიებების ჩატარებისგან", - აღნიშნა ჯაბაროვმა.
მისივე თქმით, საქართველოს ასამბლეიდან გარიცხვა არ უნდა მოხდეს.
"ჩვენ არ უნდა შევავიწროვოთ ქართული მართლმადიდებლობის ინტერესი, პროვოკატორების ქმედებები საქართველოს მტრებს ხელს უწყობენ", - განაცხადა მან.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
