შინაგან საქმეთა სამინისტრო პარლამენტთან შეკრებილ მოქალაქეებს მოუწოდებს, კანონდარღვევა და ძალადობა დაუყოვნებლივ შეწყვიტონ.

როგორც შსს-ს განცხადებაშია აღნიშნული, წინააღმდეგ პოლიცია კანონით გათვალისწინებულ საშუალებებს გამოიყენებს.

„შინაგან საქმეთა სამინისტრო მოუწოდებს პარლამენტის წინ შეკრებილ აქციის მონაწილეებს, დაუყოვნებლივ შეწყვიტონ კანონდარღვევა და ძალადობა, არ აჰყვნენ პროვოკაციას და დატოვონ პარლამენტის ტერიტორია, წინააღმდეგ შემთხვევაში პოლიცია გამოიყენებს კანონით გათვალისწინებულ საშუალებებს“, - ნათქვამია განცხადებაში.

ცნობისთვის, რუსთაველის გამზირზე მიმდინარე აქციის მონაწილეთა ნაწილი პარლამენტის შენობაში შეიჭრა. მათ პოლიციის კორდონი გაარღვიეს, თუმცა დაპირისპირება ამ დრომდე გრძელდება. სამართალდამცველები აქციის მონაწილეების გარეთ გამოყვანას ცდილობენ.

შეგახსენებთ, ოპოზიციამ მმართველ გუნდს 1-საათიან ვადა მისცა იმისთვის, რომ სამი მაღალჩინოსანი - პარლამენტის თავმჯდომარე ირაკლი კობახიძე, შს მინისტრის გიორგი გახარია და სუს-ის ხელმძღვანელი ვახტანგ გომელაური გადამდგარიყვნენ, თუმცა ეს ვადა ამოიწურა.

ავტორი: ექსპრესნიუსი,

სოციალური ქსელები

ფიცო: რუსეთთან ომში სამშვიდობო შეთანხმების მიღწევა უკრაინული მხარის თანხმობის გარეშე შეუძლებელია

კობახიძე: მზად ვართ ყველა საკითხი განვიხილოთ, თუ რაიმე ჭარბი რეგულაციაა, ჭარბი ჯარიმა

სანქტ-პეტერბურგში მობილური ინტერნეტი გაითიშა

POG: ქუთაისში განზრახ მკვლელობისა და დანაშაულის შეუტყობინებლობისთვის ბრალი 2 პირს წარედგინა