„ის, რაც ვიხილეთ პარლამენტის სხდომათა დარბაზში, ყოველგვარი რაციონალური პოლიტიკის ზღვარს სცილდება და წარმოადგენს საქართველოს სუვერენიტეტისა და ეროვნული თავმოყვარეობის ფეხქვეშ გათელვას“, - ასე გამოეხმაურა „ევროპული საქართველოს“ ერთ-ერთი ლიდერი დავით ბაქრაძე რუსი დეპუტატის, სერგეი გავრილოვის მიერ პარლამენტის თავმჯდომარეის სავარძლის დაკავებას.

საპარლამენტო უმცირესობა მომხდარი გამო პარლამენტის თავმჯდომარე ირაკლი კობახიძე გადადგომისკენ მოუწოდებს, წინააღდეგ შემთხვევაში კი, იმპიჩმენტის დაწყებას აანონსებს.

„საპარლამენტო უმცირესობის, პარტია „ევროპული საქართველოსა“ და „თავისუფალი დემოკრატების“ სახელით მიგვაჩნია, რომ ამ ფაქტს უნდა მოჰყვეს აუცილებლად უმაღლეს დონეზე პოლიტიკური პასუხისმგებლობის საკითხის დაყენება. მოვუწოდებთ ბატონ კობახიძეს აიღოს პასუხისმგებლობა და გადადგეს, თუ ამას არ გააკეთებს დავიწყებთ იმპიჩმენტის პროცედურას და დარწმუნებული ვარ მივიყვანთ ბოლომდე. რადგან იმპიჩმენტს სჭირდება დრო, მოვუწოდებთ მას თავად გადადგას ნაბიჯი და მათ მოწმინდოს სირცხვილი, რომელიც ვიხილეთ პარლამენტში“, - განაცხადა დავით ბაქრაძემ.

შეგახსენებთ, თბილისში მართლმადიდებლური საპარლამენტთაშორისო ასამბლეა იმართებოდა, რომელსაც ანტიქარტული რიტორიკის მქონე რუსი დეპუტატი სერგეი გავრილოვიც ესწრებოდა. ასამბლეა გუშინ სახელმწიფო ცერემონიების სასახლეში გაიხსნა. აღნიშნულმა ფაქტმა ქართულ საზოგადოებაში პროტესტი გამოიწვია. მოქალაქეებმა ყოფილ პრეზიდენტის რეზიდენციასთან აქცია გამართეს და რუსი დეპუტატები სირცხვილის კორიდორში გაატარეს. დღეს ასამბლეამ პარლამენტში გადაინაცვლა. აღსანიშნავია, რომ მას ხსენებული გავრილოვი უძღვებოდა. დეპუტატმა პარლამენტის თავმჯდომარის ირაკლი კობახიძის სავარძელიც დაიკავა. ამან "ევროპული საქართველოს" და "ნაციონალური მოძრაობის" გაღიზიანება გამოიწვია. მათ გავრილოვის მიერ სხდომის ჩატარება გააპროტესტეს, რის შემდეგაც ასამბლეა შეწყდა.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა