ბიზნესმენი ლევან ვასაძე ვერის ბაღში მხარდამჭერებს შეხვდა. ვასაძის ინფორმაციით, მისი ფიზიკური განადგურება იგეგმება. 

მან მხარდამჭერებს მოუწოდა, რომ აღნიშნული ფაქტის განხორციელების შემთხვევაში, მათ ხელისუფლება არ დაადანაშაულონ. 

"მაქვს ინფორმაცია, რომ ჩემი ფიზიკური განადგურება იგეგმება, თუმცა წინასწარ ვაცხადებ, თუ ეს მოხდება, ეს არ იქნება ხელისუფლების ბრალი. იგეგმება იმისთვის, რომ დაბრალდეს მთავრობას, ბიძინა ივანიშვილს და აირიოს ქვეყანა. გუშინდელიდან გადავედით მშვიდ რეჟიმში, მაგრამ ლელო ბოლომდე არ გაგვიტანია. სახელმწიფომ ჩვენ მიმართ დადებითი ნაბიჯი გადმოდგა. ბოლომდე ვერ ვენდობით და მზაობაში ვართ. არ იქნება ხელისუფლების ბრალი, ეს იქნება პროვოკაცია ხელისუფლების წინააღმდეგ. ვაგრძელებთ მშვიდობიან თვითორგანიზებას", - განაცხადა ვასაძემ. 

ამასთან, მისივე განმარტებით, "თბილისი პრადის" ორგანიზატორებს ღონისძიების გამართვის საშუალებას არ მისცემენ. 

"სახალხო სიებში ხალხის ჩაწერა გრძელდება. რეგიონებიდანაც აპირებს ჩამოსვლას ხალხი. ვაგრძელებთ სახალხო დონეზე მშვიდ ორგანიზებას. თუ გამჩენი არ მოასვენებთ და არ გაითვალისწინებენ შსს-ს განცხადებას, რომელმაც თქვა, რომ არ დაიცავს, ჩვენ მშვიდად, ცემა-ტყეპის გარეშე, მივალთ, მოვკიდებთ ხელს და იქიდან გამოვიყვანთ. მოდუნების და დაშლის უფლება მაინც არ გვაქვს. ჩვენ ვდგავართ ერთად, რომ დავიცვათ წესრიგი. უზარმაზარი საერთაშორისო, ჭრელი გველეშაპი გესლისა და ბოღმის შხამად ინთხევა და ვერაფერს ვერ გვიშვება", - მიმართა მან მხარდამჭერებს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა